Соты аб'ект нерухомасці прададзены камітэтам Віцебскаблмаёмасць сёлета

Камітэтам Віцебскаблмаёмасці на аўкцыёне 19 снежня прададзены будынак АТС, размешчаны па адрасе г.Віцебск, вул.Афіцэрская, 4. У складзе лота, што прадаваўся, быў будынак АТС, пабудаваны ў 1965 годзе, агульнай плошчай 1431 м.кв. з асфальтабетонным пакрыццём і агароджай; будынак дызельнай 1966 года, агульнай плошчай 96 м.кв.; а таксама сеткі – каналізацыйная, цеплавая, водаправодная.

Будынак АТС, які раней знаходзіўся на балансе Віцебскага філіяла Белтэлекама, не выкарыстоўваўся з 2018 года і ў жнівень 2019 года быў перададзены дзяржаўнаму аб'яднанню "Віцебскпрам".

Аб'ект выстаўляўся 19 снежня на аўкцыён у першы раз, без зніжэння цаны, і на яго знайшлося адразу 5 пакупнікоў. У ходзе таргоў цана павялічылася больш чым у 4 разы і на 28 кроку аўкцыёну будынак АТС быў прададзены за 850000 руб. прыватнаму швейнаму прадпрыемству з Віцебска.

Будынак АТС стаў ужо 100-м аб'ектам, прададзеным камітэтам Віцебскаблмаёмасці ў гэтым годзе. Усяго было прададзена невыкарыстоўваемых аб'ектаў нерухомасці, якія знаходзяцца ў дзяржаўнай уласнасці на суму 3,9 млн.руб. На канец снежня і пачатак студзеня яшчэ выстаўлена больш за 70 невыкарыстоўваемых аб'ектаў, у тым ліку аб'яўлены аўкцыёны за базавую велічыню, якія застаюцца найбольш прывабнымі для пакупнікоў.

Так, днём раней 18 снежня, адбыліся 3 выніковыя аўкцыёны, прычым усе за базавую велічыню. Новых гаспадароў знайшлі невыкарыстоўваемыя аб'екты: у Віцебску па вул. Цітова – незавершаны будаўніцтвам дзіцячы сад; у аг.Друцк – будынак школы, у Гарадку – вытворчы будынак.