20-гадовы аршанец нанёс сваёй бабулі 16 нажавых раненняў

Да 8 гадоў пазбаўлення волі ў калоніі ўзмоцненага рэжыму асудзілі ў Оршы хлопца, які кромсаў 67-гадовую пенсіянерку да таго часу, пакуль не зламаўся нож.

Пасля гэтага малады чалавек узяў у рукі іншае лязо і працягнуў крывавую справу.

Старшы памочнік пракурора Аршанскага раёна Дзмітрый Варапаеў тлумачыць прычыны такой жахлівай жорсткасці:

– Бабуля зрабіла заўвагу ўнуку, які разам з двума таварышамі распіваў у доме спіртное. Пасля гэтага «пакрыўджаны» і ўзяўся за нож. На шчасце, пацярпелая засталася жывая, яна перанесла некалькі аперацый і доўгі час праходзіла лячэнне ў стацыянары. У ходзе следства абвінавачаны цалкам прызнаваў сваю віну, а на судзе з мэтай сысці ад адказнасці змяніў паказанні і заявіў, што бабулю парэзаў яго сябар.

Яму не паверылі, і, нягледзячы на тое, што пенсіянерка прасіла не караць крывіначку строга, прыгаварылі да вялікага тэрміну зняволення. Дарэчы, раней яе ўнук ужо быў асуджаны за крадзеж маёмасці і крадзеж дакументаў, на свабодзе пасля папярэдняга турэмнага зняволення пабыў усяго паўтара года. Малады чалавек яшчэ мае права абскардзіць прысуд.

Алена БЕГУНОВА, СБ Беларусь Сегодня