21 лютага - «Віцебская лыжня»
Паважаныя жыхары і госці вобласці!
Запрашаем Вас прыняць удзел у абласным спартыўна-мастацкім свяце ”Віцебская лыжня – 2015“ і ”Масленічны разгуляй“, якое адбудзецца 21 лютага 2015 г. на лыжаролернай трасе ў г. Гарадку. Адкрыццё свята ў 11.00.
Дастаўка ўдзельнікаў і гасцей свята да месца правядзення спартыўна-мастацкага свята будзе ажыццяўляцца ад аўтавакзала г. Віцебска дадатковымі маршрутамі ”Віцебская лыжня – 2015 – г. Гарадок“ у 9.20, 9.40, 10.30. Зваротныя маршруты з г. Гарадка ў г. Віцебск у 14.00, 15.00, 16.00. Кошт праезду 22 200 рублёў.
Дабрацца да месца правядзення свята можна дызель-поездам ”Віцебск – Езярышча“ з адпраўленнем ад станцыі Віцебск у 8.31 і далейшай перасадкай на аўтобусныя маршруты ад станцыі г. Гарадок. Кошт праезду ў дызель-поездзе 4 900 руб., у аўтобусах г. Гарадка – 3 500 рублёў.
Аргкамітэт.
У праграме: лыжныя эстафеты з удзелам работнікаў усіх узроўняў дзяржаўнай улады, індывідуальныя лыжныя гонкі сярод навучэнцаў, студэнтаў, работнікаў прадпрыемстваў і ўстаноў, спаборніцтвы па шахматах, шашках, дартсе, гіравым спорце, перацягванні каната, міні-футболе, армрэстлінгу, а таксама конкурс снежных фігур, зімовая эстафета ”Снежныя забавы“.
Жыхароў і гасцей раёна чакаюць:
- тэатралізаванае прадстаўленне ”Сустракай Масленіцу!“
- святочны канцэрт;
- паказальныя выступленні супрацоўнікаў МНС, воінаў-дэсантнікаў, верталётчыкаў і парашутыстаў Віцебскага аэраклуба
;- частаванне блінамі і іншымі стравамі беларускай нацыянальнай кухні, а таксама салдацкай кашай і гарбатай
;- дэманстрацыя ваеннай тэхнікі
.Для дарослых і самых маленькіх будзе арганізаваны блок забаўляльных гульняў і конкурсаў.