80% прадукцыі праз фірменную сетку прадпрыемства рэалізуе на экспарт ААТ «Віцебскія коўры»

Адзін са старэйшых і стабільна працуючых прадпрыемстваў горада — ААТ «Віцебскія дываны» — не зніжае абароты і ідзе ў нагу з часам, стараючыся задавольляць усе актуальныя запыты спажыўцоў.

Магутнасці прадпрыемства складаюць 18 мільёнаў квадратных метраў дывановых вырабаў у год. На экспарт адгружаецца 80 працэнтаў прадукцыі. За пяць месяцаў гэтага года ўжо выраблена каля 6 мільёнаў квадратных метраў дываноў.

Прадукцыя ААТ «Віцебскія дываны» арыентавана не толькі на айчынны рынак (у Беларусі налічваецца 30 фірменных крам прадпрыемства), але пастаўляецца таксама ў Прыбалтыку, Украіну, Малдову, Расію, Кыргызстан, Туркменістан, Узбекістан, Казахстан і іншыя краіны.

Што ж неабходна для дасягнення падобных вынікаў?

— Развіццё асартыменту, укараненне новых творчых і тэхналагічных ідэй, смелыя эксперыменты па спалучэнні розных відаў сыравіны, перапляценняў і каляровых рашэнняў — цяпер самае для нас галоўнае на парадку дня, — расказала намеснік генеральнага дырэктара па эканоміцы ААТ «Віцебскія дываны» Алена ЧАБАТАРОВА.

Новыя калекцыі заўсёды выпускаюцца з улікам сучасных модных тэндэнцый і густаў пакупнікоў. Як і чакалася, карыстаецца добрым попытам новая калекцыя цыновак, вырабляць якую тут пачалі ў красавіку. Акрамя таго, літаральна на днях запушчана ў вытворчасць калекцыя высокаворсавых дываноў «Супершэгі» з ультрамяккай поліпрапіленавай ніткай, а дываны атрымліваюцца настолькі пухнатымі, што да іх так і хочацца дакрануцца!

Віталь ШЫЕНОК, «Віцьбічы».