Аэрастаты з чатырох краін падняліся над Воршай

Міжнародны фестываль цеплавых аэрастатаў "Мірнае неба Аршаншчыны" ужо чацвёрты раз сабраў аматараў паветраплавання на берагах Дняпра. Мерапрыемства, якое праходзіць з 30 чэрвеня па 2 ліпеня, прымеркавана да маючых адбыцца святкаванняў Дня Незалежнасці Беларусі.

У фестывалі прымаюць удзел 10 экіпажаў паветраплавальнікаў з Беларусі, Расіі, Латвіі і Літвы. У неба над горадам яны падымаюцца ў 6.00 і 20.00 - у гэты час найбольш спрыяльныя паветраныя патокі. Арганізатарамі фестывалю з'яўляецца Аршанскі райвыканкам.

Фота Аляксандра Хітрова - БЕЛТА.