Акцыі 16 прадпрыемстваў Віцебскай вобласці сёлета выстаўлены на продаж патэнцыйным інвестарам

На Віцебшчыне акцыі 16 адкрытых акцыянерных таварыстваў з доляй камунальнай і рэспубліканскай уласнасці прапануюцца да продажу на аўкцыёнах і па конкурсе патэнцыйным інвестарам у 2015 годзе. Акрамя таго, па ініцыятыве Дзяржкаммаёмасці Беларусі вядзецца праца па ўкараненні альтэрнатыўных механізмаў прыватызацыі: давернае кіраванне акцыямі і прадпрыемствам у цэлым як маёмасным комплексам.

У падрыхтаваны фондам «Віцебскаблмаёмасць» пералік на прыватызацыю камунальных актываў увайшлі Глыбоцкая птушкафабрыка, Віцебскае міжраённае рамонтнае прадпрыемства, ПМК-26 (Чашнікі), па якіх вобласць гатова прапанаваць інвестарам блізкі да кантрольнага пакет акцый (50% - 1 акцыя). Акрамя таго, на продаж выстаўлены каштоўныя паперы Віцебскага гандлёвага таварыства, Вітрэмбыта, Віцебскаблсельгаспрамтранса, Віцебскага кардонна-паліграфічнага камбіната, прычым іх колькасць (а гэта ад 20% да 42,2% статутнага фонду) можа быць павялічана па рашэнні аблвыканкама пры наяўнасці абгрунтаваных прапаноў з боку патэнцыйных інвестараў. Для прыватызацыі па конкурсе зацверджаны пакет акцый у 54,25% статутнага фонду ААТ «Аршасырзавод». У гэтым выпадку патэнцыйны пакупнік абавязваецца ўкласці 5 млн долараў на працягу 2 гадоў з даты набыцця актываў.

Дзяржава гатова выйсці са складу акцыянераў, прадаўшы цалкам долю Рэспублікі Беларусь ва ўстаўных фондах, якія працуюць на Віцебшчыне «Завода ПАК», «Эвістара», «Лантана», прыборабудаўнічага завода і плодаагародніннага камбіната, а таксама «Віцебск-Белпрамкультура». Акрамя таго, падрыхтаваны для прыватызацыі па конкурсе 23,4% акцый ААТ «Інвет» і 49,29% «Віцебскдрэва». Ва ўсіх выпадках абавязковай умовай набыцця актываў з'яўляецца ўнясенне ва ўстаўны фонд грашовых сродкаў у аб'ёмах, вызначаных для кожнага суб'екта асобна.

Таксама фонд «Віцебскаблмаёмасць» праводзіць аналіз фінансава-гаспадарчай дзейнасці шэрагу прадпрыемстваў, на якіх могуць быць рэалізаваны праекты даверанага кіравання акцыямі альбо ў цэлым як маёмасным комплексам. Па выніках маніторынгу плануецца падрыхтаваць прапановы для ўкаранення на Віцебшчыне такіх альтэрнатыўных механізмаў прыватызацыі.

Сяргей Анто́наў, "Віцебскія весці"