Актуальныя акцэнты развіцця рэгіянальных СМІ абазначыў міністр інфармацыі Беларусі Уладзімір Перцаў у Шуміліне
Падзенне тыражу, дэфіцыт маладых кадраў, пошук новых крыніц даходаў, каб выйсці на самаакупнасць, не кажучы ўжо пра стабільны прыбытак, нарошчванне прысутнасці ў інтэрнэт-прасторы – тыя праблемы, з якімі сутыкнулася мясцовая раёнка, аднак яны знаёмыя многім рэгіянальным друкаваным выданням. Разам з тым час інфармацыйных баталій патрабуе ад дзяржаўных медыя неабходнасці шукаць новыя падыходы, каб адваяваць сваю аўдыторыю.
Галоўныя акцэнты і арыенціры ў працы рэгіянальных СМІ агучыў Уладзімір Пярцоў. Сярод прыярытэтных – павышэнне якасці працы ў сетцы інтэрнэт. Сёння недастаткова проста размясціць «газетны» артыкул на сайце выдання, неабходна, каб ён дайшоў да свайго чытача. І ў якасці галоўных інструментаў міністр назваў індэксацыю публікацый для пошукавых сістэм і актыўную працу ў сацыяльных сетках і мэсэнджарах.
– Раённай прэсе мы зараз надаём дастаткова вялікую ўвагу, прычына таму – падзеі мінулага года, зараз нашы ідэалагічныя апаненты робяць стаўку на рэгіёны, – поазначыў актуальнасць праблемы Уладзімір Пярцоў. – Моладзь, людзі сярэдняга ўзросту сёння ўсе навіны чэрпаюць з інтэрнэту. І калі чалавек звяртаецца па інфармацыю ў сеціва інтэрнэт, на жаль, часцей ён знаходзіць апазіцыйныя, дэструктыўныя публікацыі, у тым ліку і рэгіянальныя. Усё гэта ад няўмення дзяржаўных СМІ індэксаваць свае сайты і працаваць у сацсетках, мэсэнджарах. Яны павінны ісці за чытачом, за яго каналам спажывання інфармацыі.
Таксама кіраўнік ведамства выказаўся аб неабходнасці дзяржаўных выданняў сумесна з органамі мясцовай улады аператыўна рэагаваць на ўсе інфармацыйныя ўкідванні, якія з'яўляюцца ў гарадскіх, раённых пабліках, супольнасцях.
– Відаецца неабходнасць узмацнення матэрыялаў, якія тычацца сацыяльных, бытавых праблем з жыццядзейнасці рэгіёна. Інакш у дадзенай тэматыцы ўтворыцца інфармацыйны вакуум, які хутка перахопяць нашы апаненты, а яны вывернуць гэта як недапрацоўкі мясцовай улады, усёй сістэмы. Раённая газета разам з мясцовай уладай павінна выразна працаваць па кожнай праблеме, маніторыць паблікі, сацсеткі, жыць па прынцыпе – усё ведаць, аператыўна рэагаваць і папярэджваць. Калі недзе разгараецца нарыў на глебе, напрыклад, адсутнасці належнага дарожнага пакрыцця, наяўнасці іржавай вады і іншых сацыяльна-бытавых праблем, журналісты павінны выехаць на месца са спецыялістам райвыканкама, расказаць, што дадзеная праблема будзе вырашана. Тады гэты інфармацыйны нарыў будзе зняты, будзе аўтарытэт дзяржвыдання і мясцовай улады, – перакананы Уладзімір Барысавіч.
У сваю чаргу, друкаваная версія газет, на думку кіраўніка ведамства, таксама павінна развівацца ў цяпер існуючых трэндах.
– Аператыўныя навіны чалавек можа атрымаць з тэлеграм-каналаў, наваснітных стужак, ТВ і радыё, а вось тлумачэнне падзей, аналітыка – як раз ніша друкаванай прэсы, чаго няма ў аператыўных інтэрнэт-СМІ. Кожную навіну можна падаваць у пераламленні жыцця канкрэтнага раёна, – сказаў міністр. Таксама выказаў неабходнасць развіваць аўтарскую журналістыку, актыўна ўводзіць калонкі рэдактара, якія нададуць выданням новы імпульс.
Гаворачы аб эканамічным складніку працы выданняў, Уладзімір Перцаў заклікаў не абмяжоўвацца толькі накладамі і рэкламай у друкаванай версіі, свой прыбытак можа прынесці граматная манетызацыя публікацый у сетцы інтэрнэт, што ў сваю чаргу прыцягне свайго рэкламадаўца. А ўжо дадатковыя даходы дапамогуць павысіць зарплату работнікам рэдакцый і вырашыць іншую праблему – дэфіцыт маладых кадраў.
Старшыня Шумілінскага райвыканкама Віктар Гутараеў выказаў гатоўнасць прадаставіць прыезджым маладым журналістам сацыяльнае жыллё, а ўладкоўванне побыту міністр назваў адным з асновапалагаючых фактараў замацавання маладога спецыяліста ў раённай газеце.
Яшчэ адзін варыянт вырашэння кадравай праблемы для раённых газет агучыла начальнік галоўнага ўпраўлення ідэалагічнай работы і па справах моладзі Віцебскага аблвыканкама Марына Навіцкая. У прыватнасці, прапанавала калектывам самім вырошчваць сабе змену, арганізаваць для школьнікаў клуб журналістыкі, знаёміць іх з прафесіяй, каб яны паступалі ў ВНУ па мэтавым накіраванні і потым вярталіся на малую радзіму.
– Калі раённая рэдакцыя засяродзіць свае намаганні на вырашэнні ўсіх гэтых пытанняў, то ў яе будзе і даход, і годнае заработнае платы, і моладзь у калектыве, – рэзюмаваў Уладзімір Перцаў.