Аляксандр Лукашэнка наведаў з рабочай паездкай Аршанскі раён
Асноўнымі відамі дзейнасці агракамбіната з'яўляюцца вырошчванне свіней і буйной рагатай жывёлы, вытворчасць і рэалізацыя малака, мяса, прадукцыі раслінаводства. Тэмп росту валавой прадукцыі ў цэлым па прадпрыемстве за мінулы год склаў 109,9 працэнта, у тым ліку ў жывёлагадоўлі 115,7 працэнта. Працягваюць плюсаваць і ў гэтым годзе. За студзень – май прыраслі амаль на 15 працэнтаў.
Прэзідэнт аб выніках работы на сяле: будзе дысцыпліна - праблем не будзе
Прэзідэнт Беларусі Аляксандр Лукашэнка падкрэслівае важнасць дысцыпліны і захавання тэхналогій у сельскай гаспадарцы - тады будуць і вынік, і прыбытак. Аб гэтым ён заявіў, наведваючы ў Аршанскім раёне агракамбінат "Юбілейны", перадае карэспандэнт БЕЛТА.
Гаспадарка перадавая і ўзорная. Як адзначыў кіраўнік дзяржавы, у такія трэба прыязджаць, каб проста паглядзець і адпачыць.
Прэзідэнт цікавіўся работай агракамбіната "Юбілейны". Прадпрыемства ўтварылася ў выніку аб'яднання шэрагу больш дробных гаспадарак, што дазволіла сканцэнтраваць вытворчыя сілы і кармавую базу.
Размова ў тым ліку ішла аб падыходах у сяўбе азімых культур, уключаючы азімы ячмень, перавагі якога напярэдадні разглядаліся ў ходзе працоўнай паездкі кіраўніка дзяржавы ў Шклоўскі раён. Гэтая культура важная для забеспячэння паўнавартаснай кармавой базы ў жывёлагадоўлі.
Падрабязна распытаў Аляксандр Лукашэнка і аб цэлым шэрагу іншых аспектаў у рабоце агракамбіната, у тым ліку па пытаннях забяспечанасці тэхнікай.
Ужо ў маштабе краіны абмяркоўваўся ход нарыхтоўкі травяністых кармоў. Аб гэтым далажыў кіраўнік Мінсельгасхарча Ігар Брыло. Рэгіёны вытрымліваюць раней складзены план, сітуацыя складваецца пазітыўна.
Асобнае пытанне - нарыхтоўка ў палімерную плёнку. Частка матэрыялу закуплялася па імпарце, ёсць і беларускія аналагі, але іх кошт таксама дастаткова высокі. І тут жорсткае патрабаванне Прэзідэнта, у тым ліку ў разрэзе імпартазамяшчэння.
"На наймацнейшы кантроль ураду, каб гэтая плёнка была на працягу года. Гэта перспектыўная тэхналогія, - даручыў Прэзідэнт. - Для Віцебшчыны гэта выратаванне. Але трэба, каб гэта танней было. Плёнка павінна быць. І гэтая тэхналогія павінна быць таннай, даступнай для слабых гаспадарак. Калі будзе танны гэты працэс, нікога не трэба будзе ўгаворваць".
Аляксандр Лукашэнка спытаў і пра тое, як міністр ацэньвае развіццё Віцебшчыны ў пытанні АПК. "Мне патрэбен вынік. Парадак тут павінен быць. Патрэбна дысцыпліна. Будзе дысцыпліна - праблем не будзе", - падкрэсліў ён, адзначыўшы, што гэтае пытанне па вобласці павінна быць на асаблівым кантролі ў міністра.
Кіраўнік дзяржавы ў агракамбінаце азнаёміўся з работай малочна-таварнага комплексу "Купалінка". Тут ён звярнуў увагу на яшчэ адно важнае пытанне, якое патрабуе ўвагі ў АПК, - захаванасць жывёлы. "За падкорм жывёлы адкажаце галавой", - папярэдзіў беларускі лідар.
Ён нагадаў, аб чым гаварыў напярэдадні, - у свеце высокі попыт на харчаванне. "Мы можам прадаць па добрай цане сваю прадукцыю", - адзначыў Аляксандр Лукашэнка.
Падчас наведвання кіраўніка дзяржавы абмяркоўваліся і праблемныя пытанні ў рэгіянальным разрэзе. Адзін з іх - меліярацыя. Аляксандр Лукашэнка даў канкрэтныя ўказанні на гэты конт, даручыўшы вызначыць схему фінансавання і аб'ёмы работ.
Прэзідэнт таксама закрануў пытанні развіцця сыравінных зон. Ён падкрэсліў, што ў гэтай рабоце нараўне з дзяржаўнымі павінны ўдзельнічаць і прыватныя сельгаспрадпрыемствы.
Напрыканцы Аляксандр Лукашэнка ў агракамбінаце наведаў машынны двор, азнаёміўся са станам і абслугоўваннем тэхнікі. Абмеркавалі і шэраг практычных пытанняў, уключаючы прыладу пакрыцця пляцоўкі. У выбары паміж асфальтам і бетонам Прэзідэнт аддае прыярытэт другому.
Яшчэ адзін практычны аспект - пошук аптымальнага рашэння для ацяплення майстэрняў у зімовы перыяд, каб было не толькі эфектыўна, але і не затратна.
Прэзідэнт бачыць перспектыву ў далейшым укрупненні гаспадарак у АПК
Мы ўсё роўна будзем ісці да буйных кампаній", - сказаў кіраўнік дзяржавы.
Паводле яго слоў, гэтага патрабуюць сучасныя рэаліі - аб'ядноўвацца, далучаць землі.
Аляксандр Лукашэнка не выключыў, што ў пэўнай перспектыве і такая буйная гаспадарка, як "Юбілейны", таксама можа значна прырасці тэрыторыямі.
Адначасова кіраўнік дзяржавы звярнуў увагу на падрыхтоўку кадраў на базе такіх гаспадарак. "Трэба кадры расціць свае", - падкрэсліў ён.
Асноўныя віды дзейнасці агракамбіната - вырошчванне свіней і буйной рагатай жывёлы, вытворчасць і рэалізацыя свініны і ялавічыны для харчовых мэт, вытворчасць і рэалізацыя малака, вытворчасць прадукцыі раслінаводства.
На цяперашні час у гаспадарцы налічваецца 11,7 тыс. га сельскагаспадарчых земляў. Тэмп росту валавой прадукцыі ў цэлым па прадпрыемстве за 2021 год склаў 109,9%, у тым ліку ў жывёлагадоўлі - 115,7%, раслінаводстве - 99,3%. Тэмп росту валавой прадукцыі за студзень - май 2022 года - 114,6%.
Малочна-таварны комплекс "Купалінка" ўведзены ў эксплуатацыю ў ліпені 2020 года. Комплекс запоўнены на 93,8%. За студзень - май 2022 года тут выраблена 8,4 тыс. т малака з надоем на адну карову амаль 4,2 тыс. кг. Малако рэалізуецца толькі гатунку экстра.
Аляксандр Лукашэнка: для сельскай гаспадаркі наступіў залаты век
Неабходна скарыстацца добрай кан'юнктурай цэн на харчаванне на сусветным рынку і ў бліжэйшыя пару гадоў добра папрацаваць у сельскай гаспадарцы.
"Для сельскай гаспадаркі наступіў залаты век. Сітуацыя цяпер складваецца так, што нам трэба кроў з носа гэты і наступны год працаваць добра ў сельскай гаспадарцы. Таму што ваша прадукцыя, асабліва за межамі краіны, каштуе вялікіх грошай. Цэны на прадукты харчавання падскочылі невымоўна. Таму трэба ўмець узяць тое, што мы павінны. Для сельскай гаспадаркі, прама кажу, наступіў такі залаты век. Колькі ён працягнецца, ніхто не ведае. Але я перакананы, што гэты і наступны гады будуць нашымі - тыя, хто займаецца сельскагаспадарчай вытворчасцю і вырабляе прадукты харчавання, - падкрэсліў беларускі лідар. - Таму як бы ні было цяжка, вы павінны ў гэтыя гады ўзяць свае грошы. Для таго, каб паправіць матэрыяльнае становішча, дзесьці з крэдытамі разлічыцца і далей спакойна працаваць".
Аляксандр Лукашэнка пахваліў агракамбінат "Юбілейны" за добра працу: "Вы малайцы, працуеце нядрэнна. У нейкім сэнсе вы ўзор для Віцебскай вобласці, ды і для краіны па асобных пытаннях. У тым плане, як трэба выбудоўваць гаспадарку. Пасевы добрыя, заўваг амаль няма".
Прэзідэнт адзначыў перавагі працы ў сельскай гаспадарцы, што і сам у свой час адчуў на пасадзе кіраўніка гаспадаркі. "Усё жывое, і бачыш вынік сваёй працы", - сказаў ён.
У сувязі з гэтым ён параіў, каб па магчымасці і дзеці работнікаў агракамбіната звязвалі сваю будучыню з сельскай гаспадаркай. Тым больш для перспектыўных рабят з сельскай мясцовасці ёсць магчымасць мэтавага набору ў ВНУ, а спецыяльнасці ў сферы АПК зараз вельмі запатрабаваныя. "Так, тут нясолодка, тут заўсёды цяжка, але тут цікава. Я ўпэўнены", - заўважыў беларускі лідар.
"Вам яшчэ раз дзякуй за тое, што вы рызыкнулі працаваць у сельскай гаспадарцы і працуеце. Ведаю, што ўсё складваецца не зусім проста. Але ваша гаспадарка нядрэнная. У вас у руках усё для таго, каб жыць нармальна", - рэзюмаваў кіраўнік дзяржавы.
За пяцігодку Беларусь стане іншай, калі скарыстаемся момантам
За пяцігодку Беларусь стане іншай, калі ўдасца зараз скарыстацца момантам, у тым ліку па сітуацыі з недахопам харчавання ў свеце. Кіраўнік дзяржавы звярнуў увагу, што ў апошнія гады ў сельскай мясцовасці ствараюцца камфортныя ўмовы для жыцця і працы людзей. Робіцца гэта ў тым ліку для таго, каб замацаваць моладзь.
Прэзідэнт нагадаў, што па яго настойванні ў Беларусі атрымалі развіццё аграгарадкі. Іх мэтай якраз і было стварэнне на вёсцы больш камфортных умоў для жыцця, каб замацаваць людзей у рэгіёнах. Аднак усё гэта не дасць выніку, калі не стварыць працоўныя месцы і годныя ўмовы працы, падкрэсліў кіраўнік дзяржавы. "Але яны будуць нішто, калі не будзе добрай тэхнікі, добрых комплексаў - машынны двор, зерняток, калі не будзе добрых умоў працы. У нас, дарэчы, спачатку быў перакос: аграгарадкі стварылі, а тэхналогіі і тэхніка адставалі. А зараз пачынаем падцягваць, - адзначыў Аляксандр Лукашэнка. - Гэта працэс не хуткі, не адна гаспадарка, а іх тысячы. Але за пяцігодку краіна будзе іншай і ў сельскай гаспадарцы таксама, калі скарыстаемся гэтым момантам, калі прадукты харчавання падаражэлі па ўсім свеце."
/Будзе дапоўнена/
"БЕЛТА"