Аляксандр Пазняк – пра пераўтварэнне Аршанскага раёна ў тэрыторыю апярэджанага развіцця
Кропкі росту Кіраўнік раёна падкрэсліў, што на першым этапе пераўтварэння пастаўлены дзве задачы - рэалізаваць першачарговыя меры па павышэнні эфектыўнасці фінансава-гаспадарчай дзейнасці прадпрыемстваў і вызначыцца з перспектывамі іх развіцця. Каб гэту працу паставіць на сістэмную аснову, рэалізуецца план мер па развіцці раёна, таксама рэспубліканскімі органамі кіравання прапрацаваны больш дэталёвыя планы.
Ключавымі кропкамі росту вызначаны АПК, прамысловасць і будаўніцтва мультымадальнага прамыслова-лагістычнага комплексу. Дзякуючы мерам, прынятым урадам, рабоце аблвыканкама і райвыканкама ўжо ёсць зрухі. У аграпрамысловым комплексе з пачатку бягучага года тэмп росту валавой прадукцыі склаў 105,3% (па вобласці 102,7%). Прыбытак ад рэалізацыі ўзрастаў у 2,7 раза, рэнтабельнасць продажаў павялічылася на 3,4 працэнтнага пункта і склала 5,8%. Аб'ём прамысловай вытворчасці, праўда, у студзені-верасні склаўся на ўзроўні 98,8% да адпаведнага перыяду 2016 года. Пры гэтым у студзені-красавіку было 93%, а ў маі-верасні тэмп росту да аналагічнага перыяду мінулага года ўжо быў 105%.
"Раёну пастаўлена задача штогадовага прыросту аб'ёмаў вытворчасці. Ідзе праца над тым, каб вызначыцца з загрузкай прадпрыемстваў, мадэрнізацыяй існуючых вытворчасцей і будаўніцтвам новых. Неабходна рэалізаваць эфектыўную мадэль дзяржаўна-прыватнага партнёрства з прыцягненнем інвестыцый і ўкараненнем новых тэхналогій. Мы павінны зрабіць Аршанскі раён практычна лепшым у краіне, ператварыць яго ў зону апярэджваючага развіцця. Галоўная мэта гэтай працы - годны заробак і
комфортнае жыццё людзей\", - адзначыў Аляксандр Пазняк.Аб сельскай гаспадарцы
Аграпрамысловы комплекс Аршанскага раёна нельга назваць слабым, але вынікі працы на гэтых землях могуць і павінны быць больш важкімі. \"Нашы перапрацоўчыя прадпрыемствы павінны вырабляць прадукцыю з высокай дабаўленай вартасцю. Запланавана будаўніцтва некалькіх жывёлагадоўчых комплексаў. Значнае павелічэнне пагалоўя дазволіць максімальна загрузіць вытворчасць, у тым ліку цэх па выпуску мясных кансерваў для дзіцячага харчавання. У цэлым мясакансерваваму камбінату трэба рэканструкцыя, якая дазволіць развіваць вытворчасць і весці перапрацоўку па сучасных тэхналогіях\", - сказаў кіраўнік раёна.
Аб мультымадальным прамыслова-лагістычным цэнтры ў раёне Болбасава
Ён будзе працаваць па некалькіх напрамках. Гэта і вытворчасць, і гандаль, і аказанне іншых паслуг. \"Плошча, якая папярэдне для яго выдзелена, а гэта 230 га, будзе мець асаблівыя ўмовы для развіцця. Мы разлічваем, што туды прыйдзе замежны бізнес, які арганізуе вытворчасці. Што тычыцца гандлю, то ў нас заключаны дагавор з кітайскім горадам Іу (гэта буйная міжнародная аптовая пляцоўка) па будаўніцтве ў Болбасава гандлёвага мястэчка. Разам з тым мы зацікаўлены рэалізоўваць нашы тавары ў Кітаі. І таму плануем у сярэдзіне наступнага года абсталяваць сваю стацыянарную гандлёвую пляцоўку ў горадзе Іу\", - паведаміў Аляксандр Пазняк.
У раёне плануецца істотнае пашырэнне гандлёвай сеткі, будуць адкрывацца новыя крамы, што палепшыць якасць гандлёвага абслугоўвання.
Аб новых працоўных месцах
За 9 месяцаў у раёне створана 45 новых прадпрыемстваў, у тым ліку ў сферы вытворчасці - 9. Рэалізацыя намечанай праграмы развіцця дазволіць ствараць штогод каля 700 новых працоўных месцаў. А новыя працоўныя месцы - адна з галоўных умоў стабільнага эканамічнага росту, павышэння дабрабыту насельніцтва і наяўнасці перспектыў для моладзі.
БЕЛТА. Фота з архіва "Аршанскай газеты".