Аляксандр Шубскі стаў старшынёй Глыбоцкага райвыканкама
Кіраўнік вобласці Мікалай Шэрстнёў, які прысутнічаў на сесіі, уручыў яму службовае пасведчанне, пажадаў разумення і падтрымкі з боку актыву, дэпутацкага корпуса, усіх жыхароў раёна.
– Кадравыя змены перш за ўсё звязаны са імкненнем зрабіць жыццё ў тым ці іншым рэгіёне, калектыве лепш, – падкрэсліў Мікалай Мікалаевіч. – Прымаемае рашэнне накіравана на ўзмацненне кіраўнічых кадраў раёна.
Глыбоцкі раён – аграрна-прамысловы. Прадукцыя яго прадпрыемстваў добра вядомая за межамі краіны. Пры гэтым рэгіён застаецца датацыйным. Мікалай Мікалаевіч акцэнтаваў увагу на важнасці выпраўлення гэтай сітуацыі, заклікаў сканцэнтраваць намаганні на сяле. Яшчэ адно ключавое пытанне – стварэнне аптымальных умоў для таго, каб моладзь была зацікаўлена жыць і працаваць на Глыбоччыне.
– Каб раён упэўнена рушыў наперад, трэба пачынаць працу проста цяпер, – нацэліў Мікалай Шэрстнёў. – Няма часу на разварушванне. Трэба прымаць такія рашэнні, каб ужо заўтра быў відавочны прырост аб'ёмаў атрыманай прадукцыі. Але для гэтага неабходна дакладнасць выканання пастаўленых задач, адзіная стратэгія развіцця краю.
Аляксандр Шубскі ў сваю чаргу выказаў упэўненасць у тым, што раёну ўдасца выканаць пастаўленыя задачы, а асабіста ён зробіць усё, каб годна працягнуць працу сваіх папярэднікаў.
Даведка «ВВ»: Аляксандр Мікалаевіч Шубскі, 1962 года нараджэння. Працоўную дзейнасць пачаў у 1980 годзе трактарыстам калгаса ім. Куйбышава Жабінкаўскага раёна Брэсцкай вобласці.
Займаў кіраўнічыя пасады на розных прадпрыемствах Міёрскага раёна, быў намеснікам старшыні Міёрскага райвыканкама па эканоміцы. У 2008 годзе ўзначаліў Расонскі раённы выканаўчы камітэт. У чэрвені 2017 года прызначаны начальнікам фінансавага аддзела Міёрскага райвыканкама.