Аляксандр Старых прызначаны дырэктарам Нацыянальнага акадэмічнага драматычнага тэатра імя Якуба Коласа

Дырэктарам Нацыянальнага акадэмічнага драматычнага тэатра імя Якуба Коласа ў Віцебску назначаны Аляксандр Старых, які да гэтага займаў пасаду намесніка генеральнага дырэктара ААТ "Белшына" па сацыяльных пытаннях, паведаміў журналістам міністр культуры Барыс Святлоў пасля пасяджэння аргкамітэта XXVII Міжнароднага фестывалю сучаснай харэаграфіі ў Віцебску, перадае карэспандэнт БЕЛТА.

Сёння на закрытай сустрэчы Барыс Святлоў прадставіў новага кіраўніка калектыву тэатра.

"Апошнім часам ва ўстановах культуры адбываецца падзел дырэктарскага і мастацкага корпусу. Коласаўскі тэатр быў адным з апошніх астраўкоў, дзе менеджмент з мастацкім кіраўніцтвам сумяшчаў адзін чалавек - Валерый Анісенка. Настаў момант пераменаў, установа выходзіць на іншыя задачы, для чаго неабходны пісьменны арганізатар тэатральнага працэсу", - растлумачыў Барыс Святлоў.

Па словах міністра, ён свядома выбірае на кіруючыя пасады людзей з вопытам арганізацыйнай працы і высокімі камунікацыйнымі здольнасцямі. Аляксандр Старых, хоць і з'яўляецца новай асобай у сферы культуры, мае неабходны набор дзелавых якасцей, якія дазволяць выконваць пастаўленыя задачы. Тым часам Валерый Анісенка зможа засяродзіцца на творчасці на пасадзе мастацкага кіраўніка.

Кацярына Князева