Аляксандр Субоцін павіншаваў з 100-годдзем Полацкае аховы здароўя
Урачыстае мерапрыемства адбылося ў «Цэнтры культуры Полацк». Тут разгарнулася тэматычная выстава, якая распавядае наведвальнікам пра шматгадовую гісторыю мясцовай установы аховы здароўя: ад бальніцы на 100 ложкаў і штатам у колькасці 29 работнікаў у 1920-я гады да буйной сучаснай шматпрофільнай медыцынскай установы ў цяперашні час, якая аказвае медыцынскую дапамогу 100 тысячам жыхароў горада Полацка і Полацкага раёна. Радыус абслугоўвання складае 70 кіламетраў.
– Наведваўшы выставу дасягненняў і азнаёміўшыся з персаналіямі выдатных людзей, якія дасягнулі велізарных вышынь у прафесійным майстэрстве і навуцы, можна толькі парадавацца за Полацкую цэнтральную гарадскую бальніцу. Я са здзіўленнем даведаўся, што менавіта з вашай установы пачаў свой шлях савецкі біяхімік, акадэмік Нацыянальнай акадэміі навук Беларусі, стваральнік і першы дырэктар Інстытута біяхіміі, доктар медыцынскіх навук, прафесар Юрый Міхайлавіч Астроўскі. Гэта велізарная велічыня і паказчык таго, што вы не проста лечыце, але і з'яўляецеся кузняй кадраў выдатных людзей для ўсёй краіны, – звярнуўся да работнікаў і ветэранаў Полацкай цэнтральнай гарадской бальніцы Аляксандр Субоцін. – Віншую вас са 100-гадовым юбілеем! Гэты ру_беж пройдзены. Важна, што мы працягваем захоўваць тэндэнцыю да паляпшэння медыцынскага абслугоўвання і прафесійнага росту супрацоўнікаў. У медыцыне, напэўна, і няма такога крытэрыю, дасягнуўшы якога мы можам супакоіцца. Яна заўсёды развіваецца, увесь час з'яўляюцца новыя метады дыягностыкі і лячэння. Мне б хацелася, каб і наступныя 100 гадоў ваша ўстанова не толькі пашыралася, мацнела і захоўвала званне найбуйнейшага навучальнага, навуковага, лячэбнага цэнтра, але і набыла сусветную вядомасць. Жадаю вам творчых поспехаў, хай праца прыносіць задавальненне і радасць, пануе мір у душы, сям'і і вакол вас. Здароўя вам, удачы і сямейнага дабрабыту!
Кіраўніку вобласці на добрую памяць аб Полацкай цэнтральнай гарадской бальніцы уручылі ў падарунак кнігу і памятны знак, а ён у сваю чаргу ўзнагародзіў медыкаў ганаровымі граматамі.