Аляксандр Субоцін выступіў перад удзельнікамі ХI Форуму рэгіёнаў Беларусі і Расіі
– З 2023 года Віцебская вобласць актывізавала ўзаемадзеянне з Башкартастанам і Татарстанам, Новасібірскай, Курскай, Саратаўскай і Валгаградскай абласцямі. Пасля пандэміі наладжана ўзаемадзеянне з Маскоўскім раёнам Санкт-Пецярбурга і Смаленскай вобласцю. Для рэалізацыі сумес ных мерапрыемстваў у рамках Дарожных карт прыцягнуты ўніверсітэты, свабодныя эканамічныя зоны, асацыяцыі прамыслоўцаў і прадпрымальнікаў, арганізацыі культуры, аховы здароўя і турызму. У выніку, па выніках 2023 года аб'ём узаемнага таваразвароту з Расійскай Федэрацыяй упершыню дасягнуў адзнакі ў 450 млрд. расійскіх рублёў пры тэмпах росту 105 працэнтаў. За студзень-красавік бягучага года нарасцілі сумесны таваразварот у 1,4 раза, асабліва дадалі за кошт аддаленых ад Віцебскай вобласці рэгіёнаў Паўночна-Каўказскай, Паўднёвай, Далёкаўсходняй і Уральскай Федэральных акруг, – растлумачыў кіраўнік вобласці.
Аляксандр Субоцін назваў лічбы, якія красамоўна сведчаць аб цесных кантактах. Так, у сферы машынабудавання задзейнічана больш за 100 прадпрыемстваў Віцебскай вобласці, якія ажыццяўляюць кааперацыйныя сувязі з партнёрамі больш чым з 20 рэгіёнаў Расіі ў вытворчасці станкоў, сілавога і аптычнага кабеля, прысадак да змазачных алеяў, кампазітных матэрыялаў. Больш за 30 арганізацый устойліва супрацоўнічаюць з расійскімі калегамі ў вытворчасці вымяральнай апаратуры і прыбораў. Каля 90 працэнтаў прыцягваемых у вобласць інвестыцый прыпадаюць на рэгіёны Расійскай Федэрацыі.
"Віцебскія весці"
– Аднак, апроч развіцця ўзаемнага тавараабмену, перамовы з нашымі партнёрамі сведчаць аб неабходнасці далейшага развіцця тэхналагічнага супрацоўніцтва, – падкрэсліў Аляксандр Субоцін. – Для забеспячэння імпартазамяшчэння неабходна аператыўна завяршыць фарміраванне адзінай прамысловай палітыкі Саюзнай дзяржавы. Ад гэтага выйграюць абодва бакі. Мы пастараліся стварыць на пляцоўках форуму ўмовы для канструктыўнага дыялогу па гэтых пытаннях.