Аляксандр Хрыстафораў: «Служба занятасці не толькі аказвае садзейнічанне ў працаўладкаванні, але і дае магчымасць асвоіць новую прафесію»
30 мая 1991 года ў нашай краіне быў прыняты Закон «Аб занятасці насельніцтва Рэспублікі Беларусь», які вызначыў прававыя, эканамічныя, сацыяльныя і арганізацыйныя асновы рэгулявання занятасці насельніцтва і фактычна паклаў у нашай краіне пачатак аднаму з інстытутаў рынкавай эканомікі – дзяржаўнай службе занятасці насельніцтва. Служба занятасці Віцебскай вобласці сёння – эфектыўна развіваецца структура, якая выкарыстоўвае ў працы ўвесь спектр сучасных тэхналогій аказання дзяржаўных паслуг.
– Аляксандр Мікалаевіч, якія найважнейшыя прыярытэты вызначаны ў службе на найбліжэйшую пяцігодку?
– Гэта павышэнне гнуткасці рынку працы і развіццё яго інфраструктуры. Працаўладкаваць беспрацоўных, скараціць нелегальную занятасць, палепшыць якасць працы, эфектыўней выкарыстоўваць працоўныя рэсурсы ва ўмовах пераходу на інавацыйны шлях развіцця. А галоўная задача была і застаецца – клопат пра людзей, зрабіць усё, каб чалавек знайшоў сябе на рынку працы і атрымаў магчымасць рэалізавацца.
За тры дзесяцігоддзі пры садзейнічанні службы занятасці на пастаянную працу працаўладкаваліся больш за 880 тысяч чалавек. Гэта вынік цеснага супрацоўніцтва спецыялістаў органаў па працы, занятасці і сацыяльнай абароне з уладай, наймальнікамі ўсіх форм уласнасці, грамадскімі арганізацыямі і аб’яднаннямі.
– Што павышае эфектыўнасць узаемадзеяння службы занятасці, наймальнікаў і шукальнікаў працы?
– Электронныя кірмашы вакансій, якія праводзяцца ў вобласці з 2019 года. Удзельнічаючы ў электронных кірмашах вакансій на адзінай інфармацыйнай пляцоўцы e-vacancy.by, шукальнікі могуць у рэжыме анлайн мець зносіны з наймальнікамі, задаваць пытанні па цікавых вакансіях.
Акрамя таго, служба занятасці не толькі аказвае садзейнічанне ў працаўладкаванні, але і дае магчымасць павысіць кваліфікацыю, асвоіць новую прафесію.
– Колькі беспрацоўных атрымалі новую прафесію?
– За 30 гадоў больш за 85 тысяч чалавек змаглі прайсці перападрыхтоўку, атрымаць новую прафесію, павысіць кваліфікацыю. У цяперашні час навучанне арганізуецца па 35 прафесіях, такіх як маляр, тынкоўшчык, абліцоўшчык, плітачнік, электрагазазваршчык, слесар-сантэхнік, электраманцёр па рамонце электраабсталявання, слесар па рамонце аўтамабіляў, повар, прадавец, цырульнік, кандытар, майстар па манікюры і педыкюры, кіроўца пагрузчыка і інш. План-графік навучання штоквартальна размяшчаецца на сайце аблвыканкама.
Акрамя таго, у выпадку адсутнасці прыдатнай вакансіі па месцы жыхарства беспрацоўнага і пры наяўнасці вакансіі з прадастаўленнем жылля ў іншым населеным пункце на тэрыторыі Беларусі служба занятасці са згоды беспрацоўнага можа садзейнічаць у перасяленні з прадастаўленнем фінансавай дапамогі і кампенсацыі расходаў на пераезд. З 1994 года пры фінансавай падтрымцы службы занятасці месца жыхарства ў мэтах працаўладкавання змянілі 2277 сем'яў, якія маюць у сваім складзе беспрацоўных грамадзян.
– Якую дапамогу аказваеце ў арганізацыі ўласнай справы?
– Кансультатыўная, метадычная і бязвыплатная фінансавая падтрымка ў выглядзе субсідыі для арганізацыі ўласнай справы прадастаўляецца грамадзянам, зарэгістраваным у якасці беспрацоўных.
Больш за 8,5 тыс. беспрацоўных рэгіёну атрымалі субсідыі для арганізацыі самазанятасці. Памер субсідыі складае 11 велічынь бюджэту пражытачнага мінімуму (БПМ) у сярэднім на душу насельніцтва пры арганізацыі ўласнай справы ў гарадской мясцовасці і 15 БПМ – у сельскай мясцовасці. Сёння гэта каля 3 тысяч рублёў і 4,1 тысячы рублёў адпаведна.
– У апошнія гады палітыка занятасці набывае ўсё большую адрасную накіраванасць на карысць сацыяльна ўразлівых катэгорый насельніцтва?
– Мы захоўваем нязменны курс палітыкі сацыяльна арыентаванай дзяржавы, праяўляем клопат пра ўсіх сваіх грамадзян. Імкнемся падтрымаць тых, каму сёння складаней: гэта ў першую чаргу інваліды, для якіх з 2019 года рэалізуем новы напрамак – суправаджаемае працаўладкаванне, а таксама непаўналетнія і прафесійна непадрыхтаваная моладзь, асобы пенсійнага ўзросту, адзінокія і шматдзетныя бацькі, якія выхоўваюць дзяцей да 18 гадоў, грамадзяне, якія вярнуліся з устаноў крымінальна-выканаўчай сістэмы МУС.
– Што хочаце пажадаць сваім супрацоўнікам напярэдадні свята?
– Шчыра ўдзячны ўсім супрацоўнікам службы занятасці насельніцтва, ветэранам за ўклад у агульную справу эканамічнага развіцця Віцебскай вобласці. Перакананы, што вашы прафесіяналізм, энтузіязм, чуласць і добрасумленнае стаўленне да справы і надалей будуць накіраваны на тое, каб зрабіць рэгіён квітнеючым, а землякоў – паспяховымі і запатрабаванымі на рынку працы.
Выказваю падзяку галоўным партнёрам – працадаўцам вобласці – за канструктыўны дыялог па садзейнічанні занятасці!
Жадаю ўсім прафесійнага росту і новых дасягненняў у рэалізацыі задач дзяржаўнай палітыкі занятасці.
– Дзякуй за гутарку.