А. Лукашэнка падтрымаў ідэю па стварэнні ў Віцебску буйнога гарбарна-футравага прадпрыемства
Прэзідэнт Беларусі Аляксандр Лукашэнка падтрымаў ідэю па стварэнні буйнога гарбарна-футравага прадпрыемства на базе Віцебскага футравага камбіната. Пра гэта карэспандэнту БЕЛТА паведамілі ў прэс-службе беларускага лідара па выніках нарады па пытаннях развіцця гарбарнай і абутковай прамысловасці. "Губернатар Віцебскай вобласці прапанаваў з удзелам "Марка" і "Белвеста" стварыць на базе Віцебскага футравага камбіната магутнае гарбарна-футравае прадпрыемства.
Цікавасць да інвесціравання ў гэтае прадпрыемства ўжо выявіла адна з карэйскіх фірмаў", - адзначылі ў прэс-службе. "Такім чынам, мы б стварылі гарбарна-футравае прадпрыемства, якое дазваляе забяспечыць гатовай сыравінай, камплектуючымі. І тады мы сапраўды зменшым імпарт адсоткаў на 70", - сказаў губернатар Віцебскай вобласці Аляксандр Косінец. Генеральны дырэктар СААТ "Марка" Мікалай Мартынаў далажыў, што з карэйскай фірмай ужо падпісаны рамкавы дагавор, і яны хацелі б на тэрыторыі Беларусі пабудаваць або мадэрнізаваць гарбарны завод. Аляксандр Косінец таксама распавёў, што прадпрыемствы "Марка" і "Белвест" да канца 2015 года могуць выйсці на аб'ёмы вытворчасці ў 12 млн. пар абутку, што ў два разы перавышае цяперашні ўзровень. Аляксандр Лукашэнка падтрымаў дадзены праект, паабяцаўшы ў выпадку неабходнасці прадаставіць пэўныя прэферэнцыі.
"Калі гатовыя - рыхтуйце праект указа пад гэта канкрэтнае аб'яднанне. Тады нам Гатава (ААТ "Мінскае вытворчае гарбарнае аб'яднанне" у пас.Гатава Мінскага раёна. - Заўвага. БЕЛТА) і вашага футравага камбіната будзе дастаткова", - сказаў Прэзідэнт.