Андрэй Кабякоў: асноўныя работы па мадэрнізацыі прадпрыемстваў Аршанскага раёна разгорнуцца ў 2018 годзе

Андрэй Кабякоў пабываў на ключавых прадпрыемствах прамысловасці Аршанскага раёна, каб ацаніць, як выконваюцца даручэнні кіраўніка дзяржавы па іх развіцці. "Гаварыць аб тым, што прадпрыемствы рванулі наперад, пакуль, на жаль, нельга. Але важна, што яны вызначыліся са сваімі перспектывамі і бачаць іх. У пераважнай большасці выпадкаў інвестыцыйныя праекты ўжо маюць прапрацаваныя крыніцы фінансавання. Асноўны аб'ём работ, звязаны з мадэрнізацыяй, укараненнем новых тэхналогій, набыццём сучаснага абсталявання, разгорнецца ў 2018 годзе і часткова будзе завершаны ў 2019 годзе. Ёсць сур'ёзныя разлікі па рынках, напрамках збыту прадукцыі", - падкрэсліў Прэм'ер-міністр.

Кіраўнік Урада адзначыў, што на яго добрае ўражанне зрабілі кіраўнікі прадпрыемстваў. "Бачна, што яны ведаюць, што трэба рабіць, - адзначыў Андрэй Кабякоў. - Пачынаючы з вясны, значна ўмацаваны кадравы патэнцыял дырэктарскага корпуса. Адбыліся замены, і я бачу, што кіраўнікі глыбока разумеюць вытворчасць, ведаюць тэхналогіі, бачаць перспектывы".

Даючы агульную ацэнку ўбачанаму, Андрэй Кабякоў дадаў, што "закладзена база для таго, каб зрабіць з Аршанскага раёна ўзорны, які будзе арыенцірам для іншых". Аднак усіх чакае вельмі вялікая праца. "Існуючыя на прадпрыемствах праблемы вельмі глыбокія. Яны не вырашаюцца за дзень, за месяц, і нават за год", - рэзюмаваў ён.

На Аршанскім авіярамонтным заводзе ў пасёлку Болбасава размова ішла аб рэалізацыі інвестпраекта, аб праблемах у рабоце прадпрыемства і аб будаўніцтве мультымадальнага прамыслова-лагістычнага цэнтра. Рэалізацыю інвестыцыйных праектаў абмеркавалі таксама на прадпрыемстве "Тэхніка сувязі" у горадзе Барань. У ААТ "Завод "Легмаш" Андрэю Кабякову далажылі аб

выкананні даручэнняў урада па нармалізацыі працы і рэалізацыі інвестпраектаў па стварэнні вытворчасцей балонаў высокага ціску і абсталявання для нафтагазавай прамысловасці. Кіраўнік урада наведаў ААТ "Аршанскі інструментальны завод" і "Завод прыбораў аўтаматычнага кантролю".

На сельскагаспадарчым прадпрыемстве "Вусьце" Нацыянальнай акадэміі навук абмяркоўвалася падрыхтоўка да будаўніцтва малочна-таварнай фермы на 1 тыс. галоў і комплексу для падрыхтоўкі насення сельскагаспадарчых культур аб'ёмам 10 тыс. т у год. 

Андрэй Кабякоў наведаў бальніцу імя Семашкі, дзе ішла размова аб тым, як выконваюцца даручэнні Прэзідэнта па завяршэнні будаўніцтва лячэбнага корпуса медыцынскай установы.

Акрамя таго, сёння ў Оршы абмеркавалі выкананне даручэнняў Урада па выхадзе на беспеработную працу і развіцці прадпрыемстваў Мінбудархітэктуры, размова ішла і аб мерах па ліквідацыі недахопаў у рознічным гандлі раёна.

БЕЛТА.