«Казiнавы сезон» аб'яднае сёння найлепшых бардаў на фестывалi-свяце «Вiцебскi лiстапад».

28 кастрычніка, Віцебск /Вольга Багачова - БЕЛТА/. "Актавы" аб'яднаюць сёння лепшых бардаў на фестывалі-свяце "Віцебскі лістапад", паведамілі карэспандэнту БЕЛТА ў Цэнтры культуры "Віцебск". Гала-канцэрт "Актавы" адбудзецца ў канцэртнай зале "Віцебск" і развяжа інтрыгу ўсяго фестывалю. Кампетэнтнае журы на ўрачыстай цырымоніі агучыць вынікі конкурсных выступленняў і прадставіць публіцы трох лаўрэатаў у намінацыях "Аўтар", "Выканаўца" і "Дуэт, ансамбль", а гледачы зноў змогуць атрымаць асалоду ад іх выканання. Традыцыйна за ўрачыстай часткай будзе святочная. Цэлае аддзяленне будзе прысвечана творчасці Рыгора Данскога, дзіўнага паэта, аўтара-выканаўцы пранізлівых песень, лаўрэата мноства прэстыжных бардаўскіх фестываляў, такіх як "Пецярбургскі акорд" і "Маскоўскія вокны". Песні гэтага маскоўскага барда часта параўноўваюць з паэтычнай спадчынай Срэбнага веку, што можна пазначыць як вельмі высокую ацэнку яго творчасці і прызнанне сярод калег. Выступяць і беларускія выканаўцы, чые імёны знаёмыя многім прыхільнікам аўтарскага жанру: Ігар Пералыгін, Святлана Пышненка, Іна Шабельная, Аляксандр Базылеў, Васіль Васенка, Аляксандр Салавян, Уладзімір Цвікі, Ніна Дарашчэнка (Віцебск), Вольга і Ігар Падчыненкавы (Гродна). Завершыцца канцэрт нумарамі Сашы Вятрова (Санкт-Пецярбург) і Герда Крамбера (Германія). Гарадскі фестываль-свята "Віцебскі лістапад" ужо даўно стаў прыемнай традыцыяй горада на Дзвіне. Сёлетні форум адкрыўся 26 кастрычніка музычна-паэтычнай сустрэчай з нямецкім бардам, спяваком, кампазітарам і паэтам Гердам Крамберам, вядомым сваёй прыхільнасцю да творчай спадчыны Булата Акуджавы і Уладзіміра Высоцкага.-0-