Беларусь і Смаленская вобласць дамовіліся развіваць гандлёва-эканамічнае супрацоўніцтва
Перамовы прайшлі пад старшынствам міністра транспарту і камунікацый Беларусі Анатоля Сівака і намесніка губернатара - начальніка Дэпартамента інвестыцыйнага развіцця Смаленскай вобласці Расціслава Роўбеля. "Асноўнымі тэмамі для абмеркавання сталі супрацоўніцтва ў цяжкай і лёгкай прамысловасці, будаўнічай галіне, пастаўкі і тэхнічнае абслугоўванне аўтамабіляў беларускай вытворчасці, якія выкарыстоўваюцца у Смаленскай вобласці, пастаўкі ў рэгіён беларускай сельскагаспадарчай прадукцыі і прадуктаў харчавання. Таксама абмяркоўвалася супрацоўніцтва ў сферы культуры", - праінфармавалі ў прэс-службе.
Як адзначыў Анатоль Сівак, аб'ём таваразвароту Беларусі са Смаленскай вобласцю ў мінулым годзе ўдалося захаваць практычна на ўзроўні 2015 года. Міністр выказаў упэўненасць у тым, што аб'ёмы двухбаковага гандлю ў 2017-м можна значна нарасціць. Беларускі бок гатовы аказаць садзейнічанне ў вырашэнні важных пытанняў для Смаленска і Смаленскай вобласці.
У сувязі з гэтым адзначана неабходнасць наладзіць сістэмную працу па прасоўванні ўзаемных інтарэсаў, эканамічны патэнцыял бакоў дазваляе вырашыць гэтую задачу. Па выніках пасяджэння было падпісана пагадненне аб супрацоўніцтве і ўзаемадзеянні паміж Рэспубліканскай канфедэрацыяй прадпрымальніцтва і Смаленскай гандлёва-прамысловай палатай.