«Белзамежбуд» перадаў падарункі чатыром установам Віцебскай вобласці

Прадстаўнікі кампаніі "Белзамежбуд" перадалі падарункі 4 установам Віцебскай вобласці: дзіцячай абласной бальніцы, цэнтру карэкцыйна-развіваючага навучання і рэабілітацыі, адной з нядзельных школ і Віцебскай духоўнай семінарыі, паведамляе карэспандэнт БЕЛТА.

У дар перададзены аргтэхніка, мэбля, кнігі, развіваючыя гульні, спецыяльнае абсталяванне і мяккі інвентар.

Як паведаміў журналістам начальнік юрыдычнага аддзела "Белзамежбуда" Мікалай Аксючык, ідэя дапамагчы дзецям узнікла ў кіраўніцтва кампаніі напярэдадні Каляд. Распрацоўкай і рэалізацыяй гэтай ідэі займалася ініцыятыўная група, а ўдзел прыняў практычна ўвесь калектыў - гэта каля 800 чалавек. "Праводзілі такую акцыю ўпершыню, і асабіста для мяне было вялікім адкрыццём, што практычна ўсе нашы супрацоўнікі адгукнуліся і ўдзельнічалі ў ёй. За вельмі кароткі тэрмін - каля 10 дзён - сабралі суму, якая дазволіла набыць прадметы, якія так неабходныя 4 установам", - сказаў Мікалай Аксючык.

Паколькі акцыя аказалася паспяховай, то на прадпрыемстве вырашылі зрабіць яе штогадовай. "Ідэя кіраўніцтва складаецца ў тым, каб патроху ахапіць усе рэгіёны, усю краіну. Пачалі з самай паўночнай Віцебскай вобласці, у наступным годзе, магчыма, гэта будзе Гродзенская або Брэсцкая вобласць. Плануем штогод аказваць пасільную дапамогу ўстановам па ўсёй краіне", - сказаў прадстаўнік кампаніі.

Мікалай Аксючык адзначыў, што Віцебская вобласць стала першай дзякуючы супрацоўніцтву, якое завязалася паміж "Белзамежбудам" і Віцебскай епархіяй Беларускай праваслаўнай царквы. Менавіта служачыя царквы дапамаглі выбраць установы, якім на дадзены момант дапамога была асабліва неабходная.

Алена Ціханава