Больш за 130 дэлегатаў прынялі ўдзел у 9-й справаздачна-выбарнай канферэнцыі Віцебскай абласной арганізацыі БООВ
У канферэнцыі, якая праходзіла ў відэафармаце, прынялі ўдзел 134 дэлегаты. Кіраўнік абласной арганізацыі Беларускага грамадскага аб'яднання ветэранаў Сяргей Ольсевіч азнаёміў прысутных з вынікамі дзейнасці арганізацыі за 2016 – 2020 гг. На жаль, сумнай навіной для ўсіх кожны год становіцца інфармацыя аб ветэранах, якія пайшлі з жыцця. Прысутныя ўшанавалі іх памяць хвілінай маўчання.
Рабоце Віцебскай абласной арганізацыі БГАВ на канферэнцыі была дадзена станоўчая ацэнка. Кіраўнічы склад аднагалосным рашэннем застаўся ранейшым.
У наступныя 5 гадоў будзе працягвацца праца над рэалізацыяй праграмы актыўнага даўгалецця, па ўшанаванні памяці абаронцаў Айчыны і ахвяр войнаў, патрыятычным выхаванні падрастаючага пакалення, умацаванні сувязяў паміж пакаленнямі, – адзначыў Сяргей Ольсевіч.
Фінальным акордам канферэнцыі стала ўрачыстае ўзнагароджанне самых актыўных удзельнікаў ветэранскага руху.