Больш за 5 тыс. домаўладанняў праверылі супрацоўнікі МНС у Віцебскай вобласці з сярэдзіны студзеня

Больш за 5 тыс. домаўладанняў праверылі супрацоўнікі МНС у Віцебскай вобласці з сярэдзіны студзеня

Больш за 5 тыс. домаўладанняў праверылі супрацоўнікі МНС у Віцебскай вобласці з сярэдзіны студзеня
домаўладанняў праверылі супрацоўнікі МНС у Віцебскай вобласці з сярэдзіны студзеня, паведамілі БЕЛТА ў Віцебскім абласным упраўленні МНС.

З 20 студзеня па 20 сакавіка ў Віцебскай вобласці праводзяцца прафілактычныя акцыі па папярэджанні пажараў у жыллёвым фондзе. Супрацоўнікі МНС абследуюць домаўладанні і кватэры грамадзян, праводзяць тлумачальную працу сярод насельніцтва. У мінулыя выхадныя (9-10 лютага) работнікі абласнога ўпраўлення МНС правялі цэнтралізаваную адпрацоўку жылога фонду з прыцягненнем усіх суб'ектаў прафілактыкі ў Бешанковіцкім і Віцебскім раёнах.

Усяго ў рамках акцыі з 20 студзеня ў праверках жыллёвага фонду ў выхадныя дні ўдзельнічалі 723 работнікі органаў і падраздзяленняў па НС вобласці. Праверана 5,4 тыс. домаўладанняў, у тым ліку каля 3,7 тыс. - катэгарызаваных грамадзян, з іх 2,6 тыс. - шматдзетных сем'яў і сем'яў, якія выхоўваюць малалетніх дзяцей. Па правілах пажарнай бяспекі праінструктавана 9,6 тыс. грамадзян. Выяўлена 604 праблемных домаўладання з парушэннямі супрацьпажарных патрабаванняў. Па выніках рэйдаў складзена 385 адміністрацыйных пратаколаў, прыпынена эксплуатацыя ў домаўладаннях 11 печаў і 6 участкаў электраправодкі.

Акрамя таго, падчас наведвання грамадзян было ўстаноўлена 19 фактаў злоўжывання алкаголем, 8 фактаў неналежнага догляду за дзецьмі і 7 фактаў неабходнасці накіравання састарэлых грамадзян у сацыяльныя ўстановы. Па ўсіх вышэйназваных выпадках для прыняцця мер рэагавання ў зацікаўленыя ведамствы накіравана інфармацыя.

"Захады па забеспячэнні пажарнай бяспекі закладзены ў дзеючыя ў краіне дзяржаўныя праграмы і прадугледжваюць устаноўку аўтаномных пажарных апавяшчальнікаў, дапамогу ў рамонце печаў і электраправодкі ў дамах шматдзетных і малазабяспечаных грамадзян. МНС праводзіць шэраг мерапрыемстваў, але да таго часу, пакуль кожны грамадзянін не будзе адчуваць адказнасць за выкананне правілаў пажарнай бяспекі, зводкі ратавальнікаў будуць папаўняцца новымі ахвярамі", - падкрэслілі ў ведамстве. Абласное ўпраўленне МНС звяртаецца да жыхароў вобласці з просьбай прыняць усе меры па прывядзенні ў пажарабяспечны стан сваіх домаўладанняў. "Памятайце пра тое, што кошт затрачаных сродкаў на гэтыя мэты непараўнальны з цаной тых наступстваў, да якіх прыводзіць пажар", - адзначылі ў МНС.