Больш за 500 артыстаў прымуць удзел у I Міжнародным фестывалі-конкурсе «Арт-парад у Віцебску»
Як растлумачыў генеральны дырэктар Цэнтра культуры «Віцебск», дырэктар «Славянскага базару» Глеб Лапіцкі, новы праект можна лічыць дзіцём фестывалю мастацтваў. І хоць ён робіць толькі першыя крокі, у ім будзе ўсё па-даросламу. У дырэкцыю паступіла больш за 200 заявак, 80% з якіх на песенны конкурс. Але ёсць жадаючыя праявіць сябе і ў танцавальным мастацтве.
Ужо вядомы склад журы, у якое ўвайшлі пераможцы вакальных конкурсаў «Славянскага базару» – беларуска Алёна Ланская, украінец Улад Сытнік, казах Адыльхан Макін, а таксама Руслан Алехна, оперная спявачка Ілона Багеле, харэографы з Малдовы і Беларусі.
«Арт-парад», падкрэсліў Глеб Лапіцкі, – гэта сумесны праект, задуманы разам з турыстычным агенцтвам «Ілва». І знаходжанне юных талентаў з розных краін у Віцебску запомніцца не толькі конкурсам, але і займальным знаёмствам са сталіцай фестывалю.