Больш за 7 км дарог адрамантуюць у Браславе да «Дажынак-2019»

Паводле яго слоў, мясцовыя органы ўлады маюць намер дбайна і акуратна аднесціся да выдзеленых на рамонт дарожнага палатна Браслава грошай, каб не памыліцца, таму што выдатна разумеюць: цалкам усё дарожнае пакрыццё замяніць не змогуць.

"З улікам гэтай акалічнасці мы выдзелілі некалькі асноўных вуліц з найбольшай інтэнсіўнасцю руху і зношанасцю дарожнага пакрыцця. У выніку атрымалася амаль 7,5 км дарог, якія ўключаны ў перспектыўны план работ", - адзначыў Аляксандр Баданін.

Канцэпцыя падрыхтоўкі горада да абласных "Дажынак-2019" распрацавана, сказаў старшыня райвыканкама. У яе ўвайшло шмат аб'ектаў сацыяльнай сферы, аховы здароўя, культуры і спорту. Асобная ўвага нададзена гарадской набярэжнай. Выкананне ўсіх намечаных работ дазволіць зрабіць аблічча Браслава больш выразным і пазнавальным. У Браславе сёння правёў выязны прыём грамадзян памочнік Прэзідэнта - інспектар па Віцебскай вобласці Віталь Воўк і асабісты прыём грамадзян - старшыня райвыканкама. Аляксандр Баданін лічыць, што "да кожнай праблемы трэба адносіцца, як да сваёй асабістай, і старацца знаходзіць рашэнне, якое б задавольвала чалавека".

БЕЛТА.