Пра гэта паведамілі падчас прэс-канферэнцыі ў абласным супрацьтуберкулёзным дыспансеры з нагоды Сусветнага дня барацьбы з сухотамі, які адзначаецца 24 сакавіка.
Такі наватарскі падыход для фарміравання прыхільнасці пацыентаў да лячэння ўжываецца ў асобных краінах свету. Ён прадугледжвае, што хвораму не абавязкова ездзіць 6 разоў на тыдзень да лекара, які лечыць, каб прыняць у яго прысутнасці неабходныя медпрэпараты. Дастаткова зрабіць відэа справаздачу аб самастойным прыёме і пераслаць па Інтэрнэце.
У Беларусі такая форма працы апрабуецца пакуль толькі ў Мінску, але ў бліжэйшы час абяцае прыйсці і ў абласныя цэнтры. Так, Віцебская гарадская арганізацыя Беларускага таварыства Чырвонага Крыжа ўжо да канца красавіка плануе закупіць некалькі смартфонаў для наступнай выдачы пацыентам, якія знаходзяцца на амбулаторным лячэнні. Гаджэты будуць набыты за сродкі Глабальнага фонду па барацьбе са СНІДам, сухотамі і малярыяй. Варта
сказаць, што атрымаюць іх толькі тыя, хто пастаянна прымае лекі і праходзіць
абследаванне, але з-за занятасці на вучобе ці працы ім складана кожны
раз наведваць кабінет урача.
Пацыентам,
якія таксама знаходзяцца на амбулаторным лячэнні з нагоды туберкулёзу з
множнай лекавай устойлівасцю, з гэтага года праз камітэты Чырвонага
Крыжа будзе выдавацца банкаўская карта, на якую будзе штомесяц
налічацца грашовая дапамога, якую можна выкарыстоўваць на ўласныя патрэбы,
у тым ліку на аплату праезду да галоўнай лячэбнай установы, дзе знаходзіцца
тубкабінет.
Акрамя
таго, з гэтага года выдаткі па забеспячэнні харчовымі наборамі, якія
раней кампенсаваў Глабальны фонд, бяруць на сябе мясцовыя бюджэты.
Як паказвае шматгадовая практыка, пацыенты, зацікаўленыя ў такой
падтрымцы, становяцца больш дысцыплінаванымі і адказнымі ў
лячэнні.
Усе гэтыя затраты апраўданыя. Бо лячэнне туберкулёзу дастаткова працяглае і
дарагое. Таму вельмі важна ўсімі магчымымі спосабамі сфарміраваць у
пацыента прыхільнасць да лячэння і ў далейшым дамагчыся яго
выздараўлення.
Сапраўднай падзеяй для айчыннай фтызіятрычнай службы стала тое, што ў Беларусь пачалі паступаць новыя, нядаўна распрацаваныя, супрацьтуберкулёзныя прэпараты. У межах клінічных выпрабаванняў 150 беларусаў, з іх 7 – прадстаўнікі Віцебшчыны, атрымліваюць «Бедаквилин».
Як пракаментавалі ў абласным тубдыспансеры, па папярэдняй ацэнцы, прэпараты добра сябе зарэкамендавалі, ёсць падставы спадзявацца на станоўчы вынік. Некаторыя пацыенты ўжо паспяхова прайшлі першы этап лячэння ў РНПЦ пульманологии і фтызіятрыі ў Мінску і накіраваны на другі – на базе Рэспубліканскай туберкулёзнай бальніцы «Сасноўка» у Віцебскім раёне. У 2016 годзе чакаецца завозе ў Беларусь яшчэ і «Дэламанид». Абодва прэпараты нацэлены галоўным чынам супраць туберкулёзу з шырокай лекавай устойлівасцю.
Эфектыўнасць барацьбы з туберкулёзам шмат у чым залежыць ад своечасовай дыягностыкі. Адзін з самых распаўсюджаных метадаў – флюараграфія. Так, 84% новых выпадкаў туберкулёзу ў Віцебскай вобласці былі выяўленыя менавіта пасля гэтага даследавання. Усяго за мінулы год на ўлік да фтызіятраў Прыдзвіння па гэтым захворванні пастаўлены 331 чалавек. Захворванне паступова ідзе на зніжэнне і па выніках
2015 года склала 27,6 на 100 тысяч насельніцтва, лепшы паказчык толькі ў
сталіцы (16).
У
агульнай структуры смяротнасці на долю туберкулёзу прыпадае 0,25%. За мінулы год
ад яго памерла 42 пацыенты паўночнага рэгіёна, з іх 40 мелі хранічную форму
захворвання з множнай і шырокай лекавай устойлівасцю, якая
развілася з-за таго, што пацыенты ў мінулым перапынялі лячэнне і гэта
спрыяла прагрэсаванню туберкулёзу і развіццю цяжкіх ускладненняў.
Наталля
РЫЖКОВА, фота аўтара. «Віцебскія весці».