Барысаўскія вайскоўцы дапамагалі ўбраць ураджай у Сянненскім раёне
24 адзінкі тэхнікі і 45 армейцаў былі падзелены на дзве групы і з канца ліпеня базаваліся ў мясцовым райаграсэрвісе і ў аграгарадку Янава.
Са словамі шчырай удзячнасці да вайскоўцаў звярнуўся старшыня Сенненскага райвыканкама Васіль Чараднік. Ён падкрэсліў, што вайсковыя кіроўцы сваёй добрасумленнай працай і адказнасцю прадэманстравалі, што наша армія моцная не толькі ў забеспячэнні абараназдольнасці краіны. Яны перавезлі больш за 7 тыс. т збожжа (30% ад валавога збору ў рэгіёне), звыш 1 тыс. т саломы, дапамагалі ў дастаўцы з палёў алеясемя рапсу, не адмаўлялі ў выкананні іншых відаў работ.
Начальнік цыкла 114-й школы падрыхтоўкі прапаршчыкаў і спецыялістаў харчовай службы гвардыі падпалкоўнік Сяргей Кобрынец падзякаваў сенненцаў за гасцінны прыём і выказаў гатоўнасць працягваць супрацоўніцтва.
Вайскоўцам уручылі выпечачаны з мукі новага ўраджаю каравай, пачаставалі святочным абедам і выдалі кожнаму сухі паёк у дарогу. З невялікім канцэртам перад імі выступілі творчыя калектывы райцэнтра. Пад гукі духавога аркестра была адна каманда «Па машынах!». Праз некалькі імгненняў завяліся маторы і загудзелі клаксоны. Вайскоўцы развітваліся з Сенненшчынай, дзе правялі 50 дзён.