Браслаўскі раён узначаліў Вячаслаў Грышчанка
На пазачарговай сесіі раённага Савета дэпутатаў новага кіраўніка Браслаўскага райвыканкама прадставіў старшыня аблвыканкама Мікалай Шарснёў.
Вячаслаў Віктаравіч нарадзіўся ў 1972 годзе ў г. Барань Віцебскай вобласці. Скончыў Беларускую дзяржаўную сельскагаспадарчую акадэмію па спецыяльнасці «правазнаўства» і Акадэмію Міністэрства ўнутраных спраў Рэспублікі Беларусь па спецыяльнасці «кіраванне органамі ўнутраных спраў». Уся яго працоўная біяграфія звязана са службай у міліцыі: Вячаслаў Грышчанка прайшоў шлях ад участковага інспектара да намесніка начальніка міліцыі грамадскай бяспекі УУС Віцебскага абласнога выканаўчага камітэта.
Значная частка службы Вячаслава Віктаравіча звязана з Браслаўшчынай: з 2011 па 2018 гады ён кіраваў аддзелам унутраных спраў нашага райвыканкама. Узнагароджаны медалямі «За бездакорную службу» (III, II і I ступені), медалём «За адзнаку ў ахове грамадскага парадку», з'яўляецца лаўрэатам ганаровага звання «Чалавек года Віцебшчыны-2020». Зарэкамендаваў сябе як ініцыятыўны, энергічны, умелы, патрабавальны, але справядлівы кіраўнік, сумленны і годны чалавек. Калегі падкрэсліваюць яго рашучасць, здольнасць хутка і ўзважана прымаць граматныя рашэнні.
Прадстаўляючы ўдзельнікам сесіі новага кіраўніка Браслаўскага раёна, старшыня Віцебскага аблвыканкама Мікалай Шарснёў адзначыў, што ноша кіраўніка сёння цяжкая і вельмі адказная. «Работы вельмі шмат, і яна няпростая. Так, за апошнія гады Браслаўшчына стала іншай. У рамках падрыхтоўкі рэгіёна да правядзення абласнога фестывалю-кірмашу працаўнікоў вёскі «Дажынкі» ў рэгіёне вельмі многа зроблена. Але гэта толькі аснова для далейшага развіцця», – звярнуў увагу кіраўнік вобласці. Па яго словах, раён павінен нарошчваць турыстычны патэнцыял, каб горда несці сцяг лідара ў гэтай сферы. Разам з тым нельга забываць і пра традыцыйныя галіны сацыяльна-эканамічнага комплексу – сельскую гаспадарку і прамысловасць, бо менавіта яны фарміруюць фундамент рэгіянальнай эканомікі і, як следства, бюджэту. «Аснова ўсяго – зямля. Пры належным сыходзе яна абавязкова шчодра адплаціць прадукцыяй», –
падкрэсліў Мікалай Шэрстнёў і дадаў, што ў галіне АПК будучыня за высокаэфектыўнай буйнатаварнай вытворчасцю. Такое патрабаванне часу.Уручаючы Вячаславу Грышчанку службовае пасведчанне, старшыня аблвыканкама пажадаў яму поспехаў на працоўным шляху, а таксама веры ў сябе і ў сваю каманду.
Вячаслаў Грышчанка ў сваю чаргу падзякаваў прысутных за аказаны яму высокі давер і паабяцаў зрабіць усё магчымае на карысць Браслаўшчыны. «Наперадзе ў нас шмат працы, і мы павінны прыкласці ўсе намаганні, каб зрабіць і сам рэгіён, і жыццё яго жыхароў лепш», – рэзюмаваў старшыня райвыканкама, звяртаючыся да актыву раёна.