Бульвар мытніка неўзабаве з'явіцца ў Віцебску
Бульвар мытніка размесціцца насупраць адміністрацыйнага будынка Віцебскай мытні і стане паўнавартаснай зонай адпачынку для жыхароў мікрараёна.
Змяняцца ландшафт каля шматпавярховікаў ужо пачаў. Нядаўна мытнікі высадзілі там некалькі дзясяткаў саджанцаў дрэў. — Не так даўно на гэтым месцы мы ўсталявалі каваную лаўку і сімвалічны знак, які паказвае напрамкі руху і адлегласці да расійскай і прыбалтыйскіх сталіц. Прысутныя на цырымоніі адкрыцця выказалі думку, што было б нядрэнна і далей добраўпарадкоўваць гэтую тэрыторыю.
Наш кіраўнік Уладзімір Кастеневіч паабяцаў дапамагчы ў такой важнай справе, — сказаў намеснік начальніка мытні Генадзь Кожарскі. — Высадка дрэў — першы крок, а яшчэ і ўклад у абвешчаны месячнік азелянення. У яго рэалізацыі нам дапамаглі супрацоўнікі ДП «Зелянхоз».
У далейшым у канцы вуліцы Лаза сярод дрэў з'явяцца дарожкі і малыя архітэктурныя формы.