Бухгалтар школы-інтэрната ў Полацкім раёне за крадзеж асуджаны да 5 гадоў турмы

5 лістапада, Віцебск /Вольга Багачова - БЕЛТА/. У Полацкім раёне за крадзяжы асуджана бухгалтара школы-інтэрната, паведаміла карэспандэнту БЕЛТА афіцыйны прадстаўнік упраўлення СК РБ па Віцебскай вобласці Іна Гарбачова. Ураджэнка Наваполацка 1989 года нараджэння, працуючы бухгалтарам у адной са школ-інтэрнатаў Полацкага раёна, больш за тры гады крала грашовыя сродкі ўстановы адукацыі. З'яўляючыся службовай і матэрыяльна адказнай асобай з адпаведнымі службовымі паўнамоцтвамі, жанчына неаднаразова ўносіла ў бухгалтаскія дакументы загадзя ілжывыя звесткі аб павелічэнні выніковай сумы, якая падлягае выплаце па бальнічных лістах, адпускных і іншых налічэннях. Затым перадавала дадзеную ведамасць на зацвярджэнне адміністрацыі ўстановы, пасля чаго названую ў дакументах грашовую суму атрымлівала з рахунку ўстановы па чэку, апрыхадоўвала суму ў касу, а звышлішкамі распараджалася па сваім меркаванні. У выніку яе дзеянняў установе адукацыі прычынена шкода на суму больш за Br55 млн. "У ходзе следства былі здабыты неабвержныя доказы віны абвінавачанай. Выняты і вывучаны шматлікія бухгалтаскія дакументы, працоўны камп'ютар з праграмай, якая пацвярджае спосаб крадзяжу грошай і злачынную дзейнасць абвінавачанай", - адзначыла Іна Гарбачова, дадаўшы, што падчас следчых дзеянняў жанчына цалкам прызнала віну, раскаялася ў зробленым і вярнула ўсю выкрадзеную суму. Суд Полацкага раёна і горада Полацка прызнаў былога бухгалтара вінаватай у завалоданні маёмасцю, здзейсненым службовай асобай з выкарыстаннем сваіх службовых паўнамоцтваў, здзейсненым у асабліва буйным памеры, і на падставе ч.4 арт.210 КК РБ прызначыў ёй пакаранне ў выглядзе пазбаўлення волі на тэрмін пяць гадоў з канфіскацыяй маёмасці і з пазбаўленнем права займаць пасады, звязаныя з улікам, захоўваннем і распараджэннем матэрыяльнымі каштоўнасцямі, тэрмінам на два гады. Пры гэтым з улікам шэрагу змякчаючых абставін ёй прызначана адтэрміноўка выканання пакарання тэрмінам на тры гады.-0-