Хлебаробаў з гэтай падзеяй павіншаваў старшыня аблвыканкама
Мікалай Шарснёў. Валавы збор збожжавых і зерневых бабовых у гаспадарцы склаў
больш за 3 340 т пры ўраджайнасці 39,5 ц/га. Кіраўнік вобласці адзначыў, што ў
няпростых умовах сёлетняга сезона калектыў прадпрыемства праявіў уласцівыя яму
арганізаванасць і зладжанасць і адным з першых у вобласці завяршыў уборку.
Асаблівыя словы падзякі – механізатарам, якім даводзілася працаваць на
пераўвільготненай глебе. Мікалай Шарснёў пажадаў усім шчасця, міру, спакою
і ўпэўненасці ў заўтрашнім дні. Ганаровай граматай аблвыканкама ўзнагароджаны
галоўны інжынер упраўлення «Віцебскторф» Ігар Міхалко, аб'яўлена
удзячнасць кіроўцу Аляксандру Марозаву.
Старшыня Віцебскага райвыканкама Генадзь Сабыніч
пажадаў калектыву, які першым у рэгіёне завяршыў уборку, у далейшым апярэдзіць па
ўраджайнасці ААТ «Рудакова» і СПК «Альгоўскае».
Дыпломы і грашовыя прэміі перадавікам жніва ўручыў
генеральны дырэктар «Віцебскаблгаза» Пётр Шэршань. Першыя месцы ў
спаборніцтве заняў экіпаж камбайна ў складзе Сяргея Мелдереса і Юрыя Ермака,
лепшы кіроўца на адвозцы збожжа – Павел Маханькоў, аператар збожжасушыльнага
комплексу – Валерый Прымак.
У гутарцы з журналістамі старшыня
аблвыканкама Мікалай Шарснёў падкрэсліў, што за ўсё жыццё не прыгадвае такой
уборкі.
Практычна з пачатку жніва на тэрыторыі Віцебшчыны не было ніводнага
пагодлівага дня, ападкі выпадалі ў той ці іншай частцы вобласці. На 18 жніўня было
убрана толькі каля 60% збожжавых, асобныя раёны ледзь перавысілі 40%.
Таму ў абавязковым парадку будзе перакіданне тэхнікі, незалежна ададлегласцей. Хлеб сёлета даецца вельмі цяжка, але ён добры. Цешыць, што ў
такое дажджлівае лета ў нас чыстыя палі. Гэта праца аграрыяў, вынік укаранення
тэхналогій. Шкада, што ёсць страты, але ва ўмовах, што склаліся, яны непазбежныя.
Мікалай Мікалаевіч адзначыў, што, нават калі будзе такая надвор'е і захаваецца
цяперашняя ўраджайнасць, валавы намалот складзе парадку 1 млн 100 тыс. т збожжа,
на поўнае забеспячэнне жывёлагадоўчай галіны кармамі нам неабходна 850 тыс.
т.
Сяргей Ляшук. Фота Антона Сцепанішчава. «Віцебскія весці».
