Чашніцкі камбайнер Валянцін Аўчынка першым у Віцебскай вобласці намалаціў 1 тыс. т збожжа

1 жніўня, Віцебск /Сяргей Кочатаў - БЕЛТА/. Камбайнер Валянцін Аўчынка з Чашніцкага раёна першым у Віцебскай вобласці пераадолеў рубеж па намалоце адной тысячы тон збожжа ў ходзе ўборачнай. Перадавік абласнога аператыўнага спаборніцтва атрымае дыплом і грашовую прэмію сёння прама ў полі, паведамілі карэспандэнту БЕЛТА ў абласным камітэце прафсаюза работнікаў аграпрамысловага комплексу.

Лідэр уборачнай кампаніі працуе ў ААТ "Іванскі -Агра". Працуючы ў адзіночку на КЗС-1218, ён намалаціў 1065 т, скасіўшы пры гэтым 275 га (па даных на 1 жніўня).

Арганізатары абласнога аператыўнага спаборніцтва (абкам прафсаюзаў АПК і камітэт па сельскай гаспадарцы аблвыканкама) заахвоцяць камбайнера грашовай прэміяй у памеры 10 базавых велічынь (адна базавая велічыня роўная Br35 тыс.) і ганаровым дыпломам.

Лідэрам на ўборцы сярод маладзёжных экіпажаў з'яўляюцца браты Зябко з сельгаспрадпрыемства "Чашніцкае" Чашніцкага раёна. Працуючы на КЗС-1218, маладыя камбайнеры Аляксандр і Дзмітрый намалацілі 770 т збожжа, скасіўшы пры гэтым каля 280 га пасеваў збожжавых.

Усяго ў вобласці збожжавыя і зернебабовыя скашаны на плошчы каля 156 тыс. га, што складае амаль 34,5% ад плошчаў, якія падлягаюць уборцы. Намалочана 483 тыс. т пры сярэдняй ураджайнасці 31 ц/га. Лідзіруе на ўборачнай Чашніцкі раён, дзе збожжавыя скашаны амаль на 52% ад плошчы, якая падлягае уборцы, і Глыбоцкі раён (46%). Самая высокая ўраджайнасць у гаспадарках Аршанскага (35,7 ц/га) і Бешанковіцкага (34,5 ц/га) раёнаў. У кошт дзяржзаказу гаспадаркі вобласці здалі амаль 67,8 тыс. т збожжа, што складае каля 36,5% да плана. Лён выцярэблены на плошчы каля 6 тыс. га, або амаль 32% да плана.-0-