Чатырнаццаць каманд выйдуць на старт першынства ГТК па лыжных гонках у Віцебску

3 лютага, Віцебск /Сяргей Кочатаў - БЕЛТА/. На старт асабіста-каманднага першынства па лыжных гонках Дзяржаўнага мытнага камітэта Беларусі 4 лютага ў Віцебску выйдуць каля 70 мытнікаў. Пра гэта карэспандэнту БЕЛТА паведамілі ў Віцебскай мытні. За ўзнагароды будуць змагацца 14 каманд, якія прадстаўляюць усе мытні, цэнтральны апарат ДМК і РУП "Белмытсэрвіс". У каманды ўключаны як найлепшыя спартсмены інспектарскага складу, у тым ліку жанчыны, так і кіраўнікі мытных органаў. Удзельнікі першынства вызначаць наймацнейшых у чатырох відах спаборніцтваў. У асабістым заліку пройдуць тры гонкі. На дыстанцыю 3 км выйдуць жанчыны, а таксама кіраўнікі мытняў. Спартсменам ва ўзроставай катэгорыі да 40 гадоў трэба будзе вызначыць наймацнейшых у гонцы на 5 км. Акрамя таго, каманды пазмагаюцца ў эстафеце 3х3 км, пры гэтым адзін з яе этапаў стане жаночым. Яшчэ на адным адрэзку дыстанцыі каманды павядуць да перамогі кіраўнікі мытных органаў. Пераможцы і прызёры ў індывідуальным і камандным заліках будуць узнагароджаны кубкамі і ганаровымі дыпломамі. Асноўнай мэтай спаборніцтваў, якія традыцыйна праводзяцца ў мытных органах, з'яўляецца папулярызацыя здаровага ладу жыцця, адзначылі ў мытні. Падобныя турніры таксама спрыяюць забеспячэнню фізічнай гатоўнасці мытнікаў да працы, звязанай з нагрузкамі. Завершыцца першынство ДМК 5 лютага.-0-