Сябры журы конкурсу "Віцебск-2010" сваім канцэртам падтрымаюць сёння маладых канкурсантаў

13 ліпеня, Віцебск /Дзіяна Курыло - БЕЛТА/. Сонца ўсё мацней награвае вуліцы фестывальнага Віцебска. А запал на "Славянскім базары" сёння разагрэюць маладыя спевакі - удзельнікі XIX Міжнароднага конкурсу выканаўцаў эстраднай песні "Віцебск-2010", упэўнены карэспандэнт БЕЛТА.

На сцэне Летняга амфітэатра познім вечарам адбудзецца іх першае конкурснае выступленне ў суправаджэнні фанаграмы мінус адзін. Маладыя спевакі выканаюць песню кампазітара сваёй краіны на роднай мове.

Выступленні конкурсантаў будзе ацэньваць журы па 10-бальнай шкале. Найменшым балам прымаецца "4". Ацэнкі спевакі і гледачы ўбачаць адразу пасля выступлення.

Прэм'ера на сцэне заўсёды хвалюючая, таму конкурсантаў падтрымаюць члены журы конкурсу і самі выступяць у другім аддзяленні канцэрта-экзамену. На сцэну выйдуць Іна Афанасьева, Драгамір Драганаў, Нагіма Ескаліева, Інтарс Бусуліс, Ігар Карнялюк, Жалько Ёксімавіч. Хелена Вондрачкова і, зразумела, старшыня журы цяперашняга конкурсу Таісія Павалій.

Другі дзень конкурсу пройдзе 14 ліпеня, а пераможцы стануць вядомыя 15 ліпеня.

На здымку: Руслан Алехна і Анжаліка Агурбаш.