Дэлегацыі Шведскай дзяржаўнай службы занятасці наведалі Віцебскую вобласць

У рамках рэалізацыі Мемарандума аб узаемаразуменні паміж камітэтам па працы, занятасці і сацыяльнай абароне Віцебскага аблвыканкама і Шведскай дзяржаўнай службай занятасці ў галіне занятасці насельніцтва з 12 па 16 верасня 2016 года ў Віцебскай вобласці адбыліся семінары з удзелам спецыялістаў Шведскай дзяржаўнай службы занятасці, Міністэрства працы і сацыяльнай абароны Рэспублікі Беларусь, камітэта па працы, занятасці і сацыяльнай абароне Віцебскага аблвыканкама, упраўленняў па працы, занятасці і сацыяльнай абароне райвыканкамаў вобласці.

Семінар «Арганізацыя работы па прафарыентацыі і навучанню беспрацоўных», праходзіў 12 – 13 верасня ў Полацку, дзе быў разгледжаны шэраг пытанняў, звязаных з прафесійнай арыентацыяй і прафесійным навучаннем і пераабучэннем моладзі, беспрацоўных, якія звяртаюцца ў службу занятасці, аказаннем псіхасацыяльнай дапамогі ў адаптацыі на новым працоўным месцы.

15 – 16 верасня ў Віцебску прайшоў семінар «Арганізацыя работы з уразлівымі катэгорыямі грамадзян». Былі разгледжаны пытанні па аказанні садзейнічання ў працаўладкаванні беспрацоўных грамадзян, асабліва якія маюць патрэбу ў сацыяльнай абароне, арганізацыі прафесійнай рэабілітацыі.

Асноўнай мэтай семінараў з'яўляецца абмен вопытам і інфармацыяй аб арганізацыі работы па пазначаных напрамках, а таксама развіццё і ўмацаванне міжнароднага супрацоўніцтва.

Камітэт па працы, занятасці і сацыяльнай абароне Віцебскага аблвыканкама.