Дэлегацыя Пскоўскай вобласці наведала аграгарадок Мазалава Віцебскага раёна
Госцей азнаёмілі з шэрагам вытворчых і сацыяльных аб'ектаў: рабатызаванай фермай, сэрвісным цэнтрам, заводам па перапрацоўцы рапсу, цэнтрам прыгажосці і здароўя, вуліцай Газавікоў. Расіянам расказалі пра папярэднія вынікі сельскагаспадарчага сезона. Валавы збор збожжавых і зернебабовых культур склаў 6189 т пры сярэдняй ураджайнасці 52 ц/га, азімая пшаніца дала 65 ц/га. Чакаецца, што да канца года на карову будзе атрымана 9126 кг малака.
Сярэдні заробак на сельгаспрадпрыемстве больш за 1,1 тыс. руб. Пасля далучэння ў 2004 годзе гаспадаркі да «Віцебскаблгазу» праведзены кардынальныя змены. Узведзена сучасная матэрыяльна-тэхнічная база, у разы павялічыліся вытворчыя паказчыкі. Для параўнання, шаснаццаць гадоў таму ўраджайнасць у гаспадарцы складала 22 ц/га, надой на карову – 2025 кг.