Дэлегацыя Віцебшчыны знаходзіцца з двухдзённай паездкай у Валгаградскай вобласці

Дэлегацыя Віцебшчыны на чале з намеснікам старшыні аблвыканкама Анжалікай Нікіцінай знаходзіцца з двухдзённай паездкай у Валгаградскай вобласці. 

Сёння адбылася рабочая сустрэча з намеснікам губернатара Валгаградскай вобласці Ганнай Пісемскай з мэтай абмеркавання асноўных напрамкаў супрацоўніцтва. 

- Лічбы па таваразвароце ў нас растуць па экспарце і па імпарце. Павялічваецца колькасць прадпрыемстваў, якія працуюць па двухбаковым супрацоўніцтве. Рэзервы ў нас ёсць, таму хацелася б сканцэнтраваць увагу на кааперацыі і імпартазамяшчэнні. Для нас важна супрацоўніцтва з Валгаградскай вобласцю, у тым ліку і ў адукацыйнай сферы. Тыя інавацыі і стартапы, якія могуць прапанаваць нашы маладыя вучоныя, важныя для развіцця эканомікі, - адзначыла Анжаліка Нікіціна. 

У рамках візіту прайшла сустрэча з прадстаўнікамі валгаградскага бізнесу. Плануецца азнаямленне з эканамічным патэнцыялам Валгаградскай вобласці, вызначэнне канкрэтных суб'ектаў гаспадарання, формаў і ўмоў супрацоўніцтва.