Дэлегацыя Віцебскай вобласці прыняла ўдзел у III з'ездзе рэспубліканскага грамадскага аб'яднання "Белая Русь"

III з'езд рэспубліканскага грамадскага аб'яднання "Белая Русь" па выніках сваёй працы вызначыў прыярытэтныя напрамкі ў дзейнасці аб'яднання на наступную пяцігодку. З'езд РГА "Белая Русь" прызнаў працу грамадскага аб'яднання ў 2012-2017 гадах здавальняючай.

Галоўнымі напрамкамі ў дзейнасці "Белай Русі" на наступны перыяд вырашана лічыць забеспячэнне грамадскай падтрымкі палітыкі Прэзідэнта Беларусі Аляксандра Лукашэнкі, развіццё грамадзянскай супольнасці, стымуляванне грамадскай і грамадзянскай актыўнасці праз узаемадзеянне з органамі дзяржаўнай улады на адносінах канструктыўнага супрацоўніцтва.

Аб'яднанне будзе значную ўвагу ўдзяляць кансалідацыі грамадства на вырашэнне задач сацыяльна-эканамічнага, палітычнага і культурнага развіцця краіны, правядзенню маніторынгу грамадскай думкі па найважнейшых пытаннях развіцця грамадства. Свае намаганні "Белая Русь" таксама засяродзіць на экспертызе законапраектаў і грамадскім кантролі, падтрымцы народнага прадпрымальніцтва.

Акрамя таго, будзе актыўна праводзіцца праца па выяўленні найбольш падрыхтаваных у прафесійным і ідэалагічным плане актывістаў, праца па іх вылучэнні на кіруючыя пасады ў розных галінах народнай гаспадаркі. Звернуць увагу і на фарміраванне пераемнасці ў грамадска-палітычнай працы з моладдзю праз умацаванне супрацоўніцтва і выпрацоўку механізмаў узаемадзеяння з Беларускай рэспубліканскай піянерскай арганізацыяй і Беларускім рэспубліканскім саюзам моладзі.

У "Белай Русі" лічаць важным развіваць публічную дыпламатыю, фарміраваць спрыяльнае грамадскае меркаванне аб

краіне за мяжой. Умацаванне раённага звяна, нарошчванне палітычнага досведу членаў аб'яднання - яшчэ адна з заяўленых задач арганізацыі. Па выніках III з'езда зацверджаны новыя рэдакцыі статута і праграмы РГА "Белая Русь", абраны рэспубліканскі савет і цэнтральная кантрольна-рэвізійная камісія грамадскага аб'яднання. Грамадскае аб'яднанне налічвае каля 171,6 тыс. членаў, 8 тыс. пярвінных арганізацый. Устаноўчыя сходы па стварэнні грамадскага аб'яднання "Белая Русь" ва ўсіх абласцях і Мінску прайшлі ў чэрвені 2007 года.

У межах з'езда Рэспубліканскі савет грамадскага аб'яднання аднагалосна прыняў рашэнне аб абранні Генадзя Давыдзькі старшынёй рэспубліканскага грамадскага аб'яднання "Белая Русь".

Па матэрыялах БЕЛТА.