Дзень Дзяржаўнага герба і Дзяржаўнага сцяга ў Віцебску адзначылі спартыўным забегам і мітынгам
У Беларусі адзначылі Дзень Дзяржаўнага герба і Дзяржаўнага флага. У Віцебску з нагоды свята адбыўся спартыўны забег па Маскоўскім праспекце. Атлеты трымалі ў руках сцяг і факел, запалены ад Вечнага агню на мемарыяльным комплексе ў гонар савецкіх воінаў, партызан і падпольшчыкаў.
Ля памятнага знака «Ордэн Перамогі» каля ВДУ імя П. Машэрава прайшоў мітынг з удзелам прадстаўнікоў органаў улады, ветэранаў, працоўных калектываў, грамадскіх арганізацый, навучальных устаноў.
Прысутных павіншаваў са святам старшыня Віцебскага гарадскога Савета дэпутатаў Уладзімір Белевіч. Творчыя студэнцкія калектывы выканалі некалькі музычных твораў.