Дзень моладзі ў Віцебску (+праграма)

Ужо ў 12.30 вуліца Леніна (ад скрыжавання вул. Шубіна да пл. Перамогі) ператворыцца ў імправізаваную пляцоўку, якая сустракае маладзёжны арт-парад «БелаРусь у Сэрцы Маім!». Віцебшчыну на святочным шэсці прадставяць жыхары ўсіх рэгіёнаў вобласці з ліку маладзёжных субкультур, спартсменаў, таленавітай і адоранай моладзі, пераможцаў абласных і рэспубліканскіх конкурсаў.

Акрамя таго, у 14 гадзін на плошчы Перамогі адбудзецца ўрачыстая цырымонія адкрыцця свята, якая дасць старт цэламу феерверку яркіх мерапрыемстваў і акцый. І ўжо праз паўгадзіны там жа пачнецца фінальны гала-канцэрт фестывалю «Агонь танца 2018», які аб'яднае розныя стылі танцавальнага руху ў намінацыях «Шоў-праграма», «Танцы народаў свету», «Беларускі народны танец», «Стрыт дэнс», «Усходні танец» і інш. У ім возьмуць удзел пераможцы адборачных тураў з усіх рэгіёнаў краіны.

Адначасова на плошчы Перамогі пройдзе фестываль дваровых гульняў «Альетрнатыва». Прыдзвінская моладзь падрыхтавала для гасцей фестывалю мноства сюрпрызаў. Напрыклад, кожны жадаючы зможа ўспомніць любімыя ў дзяцінстве «класікі» і скачкі праз «гумкі», гіганцкі «твістэр». А як наконт вядомай усім настольнай гульні «Шашкі»? Плошча гульнявога поля, на якім арганізатары фестывалю прапануюць згуляць усім жадаючым, будзе складаць дзевяць квадратных метраў. У праграме запланаваны гіганцкі боўлінг, лазертаг-бітвы ад клуба «Colt» і скачкі праз гіганцкую скакалку, даўжыня якой будзе больш за чатыры метры, турнір па стрытболе, а таксама будзе працаваць пляцоўка па сілавым экстрыме.

Завершацца мерапрыемствы маладзёжнага дня «Бітвай ды-джэяў», у якой Віцебшчыну прадставіць пераможца абласнога этапу конкурсу Dj Zutis (Дзяніс Зуціс, Полацк).