Дзесяць навуковых калектываў прэтэндуюць на грант для даследавання праблем эканомікі Віцебскай вобласці

13 студзеня, Віцебск /Дзіяна Курыло - БЕЛТА/. Дзесяць навуковых калектываў прэтэндуюць на атрыманне гранта для распрацоўкі тэхналогій, якія павышаюць канкурэнтаздольнасць эканомікі Віцебскай вобласці, паведамілі карэспандэнту БЕЛТА ў Інстытуце тэхнічнай акустыкі НАНБ - выканаўцы навукова-арганізацыйнага суправаджэння конкурсу. Беларускі рэспубліканскі фонд фундаментальных даследаванняў (БРФФД) і Віцебскі аблвыканкам, у адпаведнасці з заключаным паміж імі пагадненнем, аб'явілі сумесны тэматычны конкурс фундаментальных і прыкладных навуковых даследаванняў "БРФФД - Віцебск - 2011". Мэтай конкурсу з'яўляецца фінансавая падтрымка творчых навуковых калектываў і асобных вучоных, якія займаюцца вырашэннем актуальных для Віцебскай вобласці праблем. Тэмамі конкурсу "БРФФД - Віцебск - 2011" сталі распрацоўка інтэнсіўных і рэсурсазберагальных тэхналогій для павышэння канкурэнтаздольнасці эканомікі рэгіёна, эфектыўнае выкарыстанне і аднаўленне прыродных рэсурсаў рэгіёна. Фінансаванне работ па праектах будзе ажыццяўляцца на парытэтнай аснове за кошт сродкаў БРФФД і аблвыканкама. Значная частка заявак паступіла ад навуковых калектываў ВНУ Віцебскай вобласці. Пераможцы конкурсу будуць аб'яўлены ў канцы сакавіка бягучага года. -0-