Дзевяць выбарчых участкаў арганізавана ў частках унутраных войскаў Беларусі для "тэрміновикаў"

19 красавіка, Мінск /Васіль Малашэнкаў - БЕЛТА/. Ваеннаслужачыя ўнутраных войскаў, якія праходзяць службу па прызыве, будуць галасаваць на 16 участках, 9 з якіх утвораны на тэрыторыі злучэнняў і воінскіх часцей у Мінску, Магілёве, Віцебску, Гомелі, Брэсце, Бабруйску і пасёлку Аколіца Мінскага раёна. Пра гэта карэспандэнту БЕЛТА паведамілі ў прэс-службе ўнутраных войскаў МУС. Цяпер асабовы склад унутраных войскаў, які ўдзельнічае ў забеспячэнні аховы грамадскага парадку, пераведзены на ўзмоцнены варыянт нясення службы. Гэты рэжым захаваецца да 27 красавіка. Як растлумачылі ў прэс-службе, ваеннаслужачыя аказваюць садзейнічанне тэрытарыяльным органам унутраных спраў у забеспячэнні грамадскага парадку на 70 выбарчых участках на тэрыторыі Беларусі. Некаторыя прадстаўнікі ўнутраных войскаў удзельнічаюць у выбарах і ў якасці кандыдатаў. У такой якасці зарэгістраваны 12 афіцэраў, адзін прапаршчык і адна служачая.-0-