Дыялогавая пляцоўка, прымеркаваная да 80-годдзя пачатку Вялікай Айчыннай вайны, прайшла ў Віцебску

Сёлета спаўняецца 80 гадоў адной з самых журботных і трагічных старонак у нашай гісторыі — пачатку Вялікай Айчыннай вайны. Няма іншай падзеі, роўнай па маштабах трагедыі, выпрабаванняў і страт, па ўплыве на сусветную гісторыю не толькі ў ХХ стагоддзі, але і сёння, у ХХI. І задача цяперашняга пакалення — менавіта ў захаванні гэтай памяці, адпаведнасці яе рэальнай факталогіі і недапушчэнні яе скажэння.

Пра гэта ішла размова на дыялогавай пляцоўцы «Наша Перамога — наша гісторыя» 14 чэрвеня ў Віцебскім філіяле «Міжнароднага ўніверсітэта «МДТУ» з удзелам дэпутацкага корпуса, прадстаўнікоў грамадскіх аб’яднанняў, экспертаў-гісторыкаў і ўстаноў культуры. Як адзначыў старшыня Віцебскага абласнога Савета дэпутатаў Уладзімір Церанцьеў, тэма вайны захоўвае актуальнасць дагэтуль, у тым ліку і таму, што чым далей адыходзяць у гісторыю падзеі тых трагічных гадоў, тым, на жаль, больш з’яўляецца фальсіфікацый на гэту тэму. У гэтым кантэксце важна весці прафесійны, эмацыйна афарбаваны дыялог з моладдзю, фарміраваць у іх разуменне, што гісторыю неабходна ацэньваць выключна на падставе дакументаў.

У гэтым дыялогу сваё важкае і аўтарытэтнае слова павінны сказаць гісторыкі. Па словах намесніка дырэктара Віцебскага філіяла «МДТУ» Ірыны Мікалаевай, кожнае пакаленне па-свойму пераглядае і ацэньвае мінулыя падзеі, бо становяцца даступнымі ўсё больш дакументальных сведчанняў.

— Гэты працэс звязаны з прыростам новых ведаў, заснаваных на фактах, пры гэтым абыходжанне з дакументамі не павінна быць вольным, антывучонай. Аднак у пагоні за сенсацыяй ва ўгоду сённяшняй кан’юнктуры многія аўтары і даследчыкі пераходзяць межы аб’ектыўнасці, — падкрэсліла Ірына Мікалаева.

Вучоная вылучыла некалькі ключавых момантаў, якія падвяргаюцца спробам перагляду і фальсіфікацый. У прыватнасці, прыкладна з 90-х гадоў мінулага стагоддзя пачала фарміравацца тэндэнцыя перакладання віны за распальванне вайны на СССР і рэабілітацыі нацысцкай Германіі і яе саюзнікаў. Таксама робяцца спробы перабольшвання значэння адкрыцця другога фронту.

— Відавочна, што Перамога была дасягнута намаганнямі ўсіх народаў і дзяржаў антыгітлераўскай кааліцыі, але нельга прымяншаць значэнне савецка-германскага фронту, дзе фашысты страцілі больш за 73% сваёй тэхнікі, а страты ў жывой сіле ў чатыры разы перавысілі аналагічную шкоду на трох астатніх франтах баявых дзеянняў нацысцкай Германіі, — патлумачыла вучоны.

Аб супольных беларуска-расійскіх акцыях па захаванні гістарычнай памяці распавёў кіраўнік Смаленскай абласной грамадскай арганізацыі Расійскай саюза моладзі Яўген Захаранкоў. Разнастайныя творчыя праекты выступаюць адным са спосабаў пагружэння ўдзельнікаў у адчуванне важнасці тэмы, выклікаюць пачуццё актыўнага суперажывання ў моладзі XXI стагоддзя, якой трэба будзе перадаць памяць аб вялікім подзвігу наступнаму пакаленню.

"Віцебскія весці".