Для атрымання годнай адукацыі ў Беларусі ёсць усе ўмовы - Уладзімір Вашчанка
Уладзімір Вашчанка павіншаваў рабят са
святам. "Ідзіце па жыцці з аптымізмам, займайцеся спортам, імкніцеся
і дасягайце вяршынь. Толькі ад вас залежыць, як вы будзеце атрымліваць веды,
якія вам дае жыццё, выкладчыкі, школа, бацькі. Закладвайце той
фундамент, які вам спатрэбіцца ў жыцці", - сказаў ён.
Больш за 40 гадоў таму Уладзімір Вашчанка сам скончыў Бычыхінскую сярэднюю школу Гарадоцкага раёна і штогод наведвае родныя мясціны. Пасля ўрачыстасці ён наведаў выпускны клас, дзе правёў першы урок. Рабяты цікавіліся ў міністра, якім ён быў вучнем, чым захапляўся і як выбраў будучую прафесію.
Працягнулася мерапрыемства урокам бяспекі для першакласнікаў з удзелам прадстаўнікоў часопіса "Юны Выратавальнік" і канцэртам мастацкай самадзейнасці ад работнікаў Віцебскага абласнога ўпраўлення МНС.