Дадатковае галасаванне сёння стартуе на 760 выбарчых участках вобласці
На Віцебшчыне магчымасць аддаць свой голас загадзя даступная на 760 участках. У гэтыя дні ўчастковыя камісіі чакаюць выбаршчыкаў з 10.00 да 14.00 і з 16.00 да 19.00. У такім рэжыме яны будуць працаваць аж да дня выбараў 18 лютага.
Пры галасаванні атрымаць бюлетэнь можна, прад'явіўшы пашпарт або даведку органаў унутраных спраў пры яго страце, ваенны білет (для ваеннаслужачых тэрміновай службы), службовае пасведчанне работніка дзяржоргана, вадзіцельскае, пенсійнае, а таксама пасведчанне інваліда (пры наяўнасці ў іх фотаздымка), студэнцкі білет, від на жыхарства (для грамадзян Расіі, якія пастаянна пражываюць у Беларусі).
На Віцебшчыне ў спісы выбаршчыкаў уключана каля 867 тыс. грамадзян. З 2 лютага яны даступныя для азнаямлення ў памяшканнях участковых камісій. Кожны выбаршчык мае права праверыць, ці ёсць ён у спісе і ці правільна пазначаны звесткі пра яго.
Да пачатку датэрміновага волевыяўлення Цэнтрвыбаркам правёў кантрольную праверку гатоўнасці ўчастковых выбарчых камісій. Па словах старшыні абласной выбарчай камісіі Дзмітрыя Хомы, яны правялі ўсю неабходную арганізацыйную працу.
У тым ліку – па апавяшчэнні выбаршчыкаў пра час і месца галасавання, уручыўшы асабіста або апусціўшы ў паштовую скрыню (калі не ўдалося застаць дома) каля 750 тыс. паведамленняў, а таксама накіраваўшы інфармацыю пра кандыдатаў у дэпутаты. На маючых адбыцца мясцовых выбарах ад імя абласной выбарчай камісіі (раней гэта браў на сябе ЦВК) будуць уручацца прывітальныя адрасы маладым грамадзянам, якія ўпершыню прымаюць удзел у выбарах. На тэрыторыі ўчасткаў для галасавання вызначаны найбольш зручныя месцы для размяшчэння агітацыйных друкаваных матэрыялаў.
Для фінансавання расходаў на перадвыбарную агітацыю кандыдаты ў дэпутаты адкрылі амаль 800 спецыяльных выбарчых рахункаў, што больш чым у шэсць разоў перавышае аналагічныя даныя на мясцовых выбарах 2014 года.
У пераважнай большасці дадатковыя рэсурсы для вядзення агітацыйнай кампаніі прыцягваюць прэтэндэнты на мандаты дэпутатаў абласнога, раённых і гарадскіх Саветаў, дзе больш высокая канкурэнцыя. У Саветы гэтых узроўняў балатаваліся 982 кандыдаты, з якіх каля 81% фарміравалі выбарчыя фонды.
Таксама для таго, каб выбаршчык зрабіў усвядомлены выбар, кандыдаты праводзяць масавыя мерапрыемствы, сустрэчы з выбаршчыкамі. Магчымасць данесці сваю пазіцыю праз радыёэфір, які прадастаўляецца бясплатна, выкарысталі больш за 50% кандыдатаў у дэпутаты Віцебскага і Наваполацкага гарсаветаў, а таксама амаль палова прэтэндэнтаў на мандат абласнога Савета.