Даходы кансалідаванага бюджэту Віцебскай вобласці ў студзені-лютым склалі Br649,2 млрд.

18 сакавіка, Віцебск /Сяргей Кочатаў - БЕЛТА/. Даходы кансалідаванага бюджэту Віцебскай вобласці ў студзені - лютым склалі Br649,2 млрд., у тым ліку ў рэспубліканскі бюджэт паступіла Br262,5 млрд., у мясцовы - Br386,7 млрд. Аб гэтым карэспандэнту БЕЛТА паведамілі ў прэс-цэнтры інспекцыі Міністэрства па падатках і зборах па Віцебскай вобласці. У структуры даходаў удзельная вага падатку на дабаўленую вартасць складае 32,8%, падаходнага падатку - 18,1%, акцызаў - 14,7%, падатку на прыбытак - 7%. Найбольшую долю плацяжоў забяспечваюць юрыдычныя асобы ўсіх форм уласнасці, якімі сфарміравана 95,6% даходаў бюджэту (у тым ліку дзяржаўнымі прадпрыемствамі 75,2%). Аб'ём падатковых плацяжоў індывідуальных прадпрымальнікаў склаў 2,9% даходаў бюджэту, плацяжы фізічных асоб займаюць каля 1,6% у агульным аб'ёме даходаў. Усяго ў фарміраванні даходнай часткі бюджэту прымаюць удзел звыш 17 тыс. юрыдычных асоб, амаль 30 тыс. індывідуальных прадпрымальнікаў і больш за 413 тыс. фізічных асоб. Па даных на 1 сакавіка, запазычанасць суб'ектаў гаспадарання Віцебскай вобласці па плацяжах у бюджэт склала Br9,6 млрд. і скарацілася за люты на Br1,4 млрд. у параўнанні з пачаткам года. Найбольшая сума запазычанасці (Br9,4 млрд.) прыпадае на юрыдычныя асобы розных форм уласнасці, пры гэтым самымі буйнымі даўжнікамі з'яўляюцца два віцебскія і полацкае прадпрыемствы з агульнай сумай даўгоў больш Br6 млрд. У парадку прыняцця мер прымусовага спагнання запазычанасці падатковыя органы вобласці ліквідавалі недаімку бюджэту на суму больш Br18,2 млрд., або 2,8% агульнай сумы паступленняў у бюджэт. Так, з бягучых і іншых рахункаў суб'ектаў гаспадарання было спісана Br1,2 млрд., а таксама за кошт спісання дэбіторскай запазычанасці ў бюджэт прыцягнута Br14,8 млрд. Вынята наяўных грашовых сродкаў у кошт пагашэння запазычанасці на Br0,4 млрд.-0-