Даходы кансалідаванага бюджэту Віцебскай вобласці ў студзені-кастрычніку склалі каля Br3,4 трлн.

20 лістапада, Віцебск /Сяргей Кочатаў - БЕЛТА/. Даходы кансалідаванага бюджэту Віцебскай вобласці ў студзені-кастрычніку 2009 года склалі каля Br3,4 трлн., або 98,9% да плана. Аб гэтым паведамілі карэспандэнту БЕЛТА ў прэс-службе інспекцыі Міністэрства па падатках і зборах па Віцебскай вобласці. У рэспубліканскі бюджэт прыцягнута амаль Br1,9 трлн., што складае 98% да плана, у мясцовы бюджэт - каля Br1,5 трлн. (100%). Асноўнымі даходнымі крыніцамі бюджэту вобласці з'яўляюцца акцызы - іх удзельная вага ў агульным аб'ёме паступленняў склала 28,3% (паступіла Br957,8 млрд.), а таксама ПДВ (19,7%, Br668 млрд.), падаходны падатак (10,6%, Br358,5 млрд.) і падатак на прыбытак (7,9%, Br268,9 млрд.). Найбольшая доля паступленняў прыпадае на юрыдычных асоб - імі сфарміравана 96,4% даходнай часткі кансалідаванага бюджэту вобласці, пры гэтым найбольшы прырост паступленняў забяспечылі замежныя юрыдычныя асобы (тэмп росту склаў 160,4%) і страхавыя арганізацыі (119,3%). У вобласці захоўваецца тэндэнцыя росту падатковых паступленняў ад суб'ектаў малога прадпрымальніцтва. За 10 месяцаў гэтая катэгорыя плацельшчыкаў выплаціла ў бюджэт звыш Br258 млрд., што на Br21,4 млрд. больш чым за аналагічны перыяд мінулага года. Амаль 1,5 тыс. плацельшчыкаў вобласці справаздачаць аб выкананні падатковых абавязацельстваў у электронным выглядзе. Па даных на 1 лістапада, запазычанасць суб'ектаў гаспадарання Віцебскай вобласці па плацяжах у бюджэт склала Br25,8 млрд. і скарацілася на Br6,9 млрд. у параўнанні з пачаткам года, у тым ліку за кастрычнік даўгі паменшыліся на Br0,7 млрд. Усяго ў фарміраванні даходнай часткі кансалідаванага бюджэту вобласці прымаюць удзел амаль 460 тыс. плацельшчыкаў, у тым ліку звыш 15 тыс. юрыдычных асоб, каля 30 тыс. індывідуальных прадпрымальнікаў.-0-