У 2010 годзе ў Лепельскім раёне з'явяцца два дзіцячыя дома сямейнага тыпу

5 красавіка, Віцебск /Вольга Багачова - БЕЛТА/. Два дома сямейнага тыпу для дзяцей-сірот будзе пабудавана сёлета ў Лепельскім раёне, паведаміў карэспандэнту БЕЛТА першы намеснік начальніка ўпраўлення адукацыі Віцебскага аблвыканкама Леанід Сцяпанаў. Будаўніцтва аб'ектаў, разлічаных на ўтрыманне да 10 дзяцей, ажыццяўляецца згодна з прэзідэнцкай праграмай "Дзеці Беларусі", падпраграмай "Дзеці-сіроты". На іх узвядзенне будзе накіравана звыш Br750 млн. з абласнога і рэспубліканскага бюджэтаў. Усяго, пачынаючы з 2006 года, у Віцебскай вобласці пабудавана 12 дамоў для сем'яў, якія выхоўваюць дзяцей-сірот, у Верхнядзвінскім, Мёрскім, Глыбоцкім, Аршанскім, Лепельскім раёнах і Оршы. Свае сем'і ў іх знайшлі 72 дзіцяці. У далейшым узвядзенне дзіцячых дамоў сямейнага тыпу па прэзідэнцкай праграме "Дзеці Беларусі", разлічанай на наступнае пяцігоддзе, будзе працягнута. Па адным такім аб'екце плануецца пабудаваць у Шумілінскім, Чашніцкім, Браслаўскім, Ушацкім, Талачынскім, Бешанковіцкім, Шаркаўшчынскім, Расонскім, Пастаўскім і Гарадоцкім раёнах, дзе ў цяперашні час іх няма, адзначыў суразмоўца. У Віцебскай вобласці пражывае 4,6 тыс. дзяцей-сірот, больш за палову з якіх выхоўваюцца ў замяшчальных сем'ях.-0-