Адзіная дыспетчарская служба ЖКГ у Віцебску выйшла на штатны рэжым працы

Адзіная дыспетчарская служба ЖКГ запрацавала у Віцебску ў гэтым годзе. Заяўкі ад жыхароў абласнога цэнтра прымаюцца кругласутачна на кароткі нумар 115, фіксуюцца, а затым перанакіроўваюцца для выканання ў адно з дванаццаці гарадскіх ЖЭУ па мікрараёне.

Штат віцебскай службы 115 уключае 42 супрацоўніка, у тым ліку 3 майстры, 9 дыспетчараў, 29 работнікаў розных спецыяльнасцей (электрыкі, сантэхнікі, зваршчыкі і інш.), занятых на выкананні заявак у пазарабочы час.

У першыя месяцы дзейнасці праца адзінай гарадской службы карэктавалася з улікам меркавання грамадзян. Паралельна вялося інфармаванне насельніцтва абласнога цэнтра аб магчымасці звароту на кароткі нумар 115.

"Цяпер праца службы выйшла на штатны рэжым, а колькасць штодзённых заявак ад грамадзян вырасла з некалькіх соцень (на першапачатковым этапе) да 500-700", - адзначыла Наталля Бакштай, дадаўшы, што асноўная колькасць паступаючых пытанняў звязана з ліквідацыяй няспраўнасцей і аварыйных сітуацый. Акрамя таго, пакінуць свае звароты, заяўкі, прапановы па паляпшэнні працы службаў ЖКГ горада жыхары абласнога цэнтра могуць на сайце партала "Мой Горад" 115.бел. Пры гэтым варта ўлічваць, што ў Віцебску партал пакуль працуе ў тэставым рэжыме, таму час мадэрацыі запытаў можа быць павялічаны.

Вольга Багачова - БЕЛТА.