Эксперыментальны шматкватэрны дом з электрычным ацяпленнем пабудавалі ў Ліёзне

У Ліёзне на вул. Дабрамыслінскай уведзены ў строй 8-кватэрны арэндны дом.
 

Мадэрнізаваны за кошт бюджэту будынак няадбытайся гасцініцы ператварыўся ў эксперыментальнае жыллё з выкарыстаннем электраэнергіі для ацяплення, гарачага водазабеспячэння і прыгатавання ежы.

 

Прадугледжаны спецыяльны тарыф па аплаце ацяплення. Пакуль гэта адзіны ў раёне камунальны дом такога тыпу. На добраўпарадкаванай, абсталяванай сістэмамі асвятлення і відэаназірання бліжэйшай тэрыторыі ёсць дзіцячая пляцоўка, стаянка для машын, смеццевы кантэйнер.

Генеральны падрадчык, які рэалізаваў праект, – ТАА «Гандлёва-будаўнічы сэрвіс».

 

Ключы ад двухпакаёвых кватэр новасёлам, а сярод іх спецыялісты сацыяльнай сферы і сілавых структур, уручыў старшыня райвыканкама Іван Лаўрыновіч. Ва ўрачыстым мерапрыемстве прыняў удзел намеснік старшыні аблвыканкама Уладзімір Белавус.

"Віцебскія весці".