Фермерскія гаспадаркі павінны прапаноўваць эксклюзіўны прадукт - Мікалай Шарснёў

Потэнцыял развіцця фермерскіх і экогаспадарк высокі, але яны павінны прапаноўваць эксклюзіўны прадукт. Такое меркаванне выказаў сёння журналістам старшыня Віцебскага аблвыканкама Мікалай Шарстнёў на прэс-канферэнцыі, прысвечанай развіццю аграпрамысловага комплексу вобласці і правядзенню рэгіянальнага фестывалю-кірмашу працаўнікоў вёскі "Дажынкі".

Па словах старшыні аблвыканкама, у цяперашні час у рэгіёне налічваецца 376 сялянскіх (фермерскіх) гаспадарак. Пры станоўчай дынаміцы развіцця іх удзельная вага ў агульным аб'ёме вытворчасці сельскагаспадарчай прадукцыі вобласці застаецца нязначнай і складае 0,8%, у тым ліку прадукцыі раслінаводства - 1,5%, жывёлагадоўлі - 0,3%. "Патэнцыял іх развіцця велізарны, але яны павінны выпускаць эксклюзіўныя віды прадукцыі, дапаўняючы нашы асноўныя сельгаспрадпрыемствы. Прыемна, што частка фермераў, якія спецыялізуюцца на гародніне (цыбуля, капуста, бульба) знайшлі сябе і сваю нішу, плённа працуюць", - адзначыў Мікалай Шарстнёў.

Адным з актуальных напрамкаў з улікам нядаўна запушчанага футравага камбіната старшыня аблвыканкама лічыць развіццё авечкагадоўлі. "У цяперашні час развядзеннем авечак займаюцца 32 фермерскія гаспадаркі, у тым ліку пяць маюць пагалоўе больш за 200 галоў", - адзначыў ён. Усё большую папулярнасць набывае і трэнд на здаровы лад жыцця і, адпаведна, здаровае харчаванне, што цягне за сабой развіццё арганічнай сельскай гаспадаркі і зялёных тэхналогій. "Перспектывы развіцця такіх гаспадарак у нас ёсць, нарматыўная база падрыхтавана, справа за самімі фермерамі. Мы са свайго боку гатовы аказаць неабходную падтрымку", - дадаў старшыня аблвыканкама.

БЕЛТА.