Фестываль беларускай коні адкрые "Заборскі фэст" у Расонскім раёне

1 чэрвеня, Віцебск /Вольга Багачова - БЕЛТА/. Фестываль беларускай коні адкрые "Заборскі фэст" у Расонскім раёне, паведамілі карэспандэнту БЕЛТА ў Расонскім райвыканкаме. Незвычайнае свята, галоўнымі героямі якога стануць коні, упершыню ў Беларусі адбудзецца 5-6 чэрвеня. Яго праграма ўключае выставу-продаж коней і амуніцыі, спаборніцтвы па трэйлу, адукацыйныя семінары з удзелам спецыялістаў па конегадоўлі і шматлікія забавы для ўсёй сям'і: конкурсы, катанні на конях, касцюміраваны парад гэтых жывёл. Другая частка мерапрыемстваў "Заборскага фэста" адбудзецца 12-13 чэрвеня. У першы дзень запланаваны прэзентацыі турыстычных маршрутаў, падрыхтаваныя рознымі туроператарамі з Мінска, Віцебска і Полацка, знаёмства з лепшымі аграэкасядзібамі раёна. Адкрыецца кірмаш народных майстроў, на якім будуць прадстаўлены вырабы з гліны і саломы, ткацтва, разьба па дрэве, вышыўка. Калі вочы стамляюцца ад стракатразнай разнастайнасці прапанаваных тавараў, можна наведаць тэатралізаванае прадстаўленне, канцэрт самадзейных калектываў 15 сельскіх дамоў культуры раёна, пакатацца на конях або стаць удзельнікам забаўляльна-гульнявой праграмы. Увечары гасцей фестывалю чакаюць паказ кінафільмаў на гістарычную тэматыку, канцэрт бардаўскай песні ля вогнішча, а моладзь - дыскатэка. Насычаным абяцае быць і 13 чэрвеня. У гэты дзень на беразе возера Белае адбудзецца свята рыбака. Яго ўдзельнікі змогуць не толькі паспаборнічаць у рыбалоўнай удачы, але і пакаштаваць стравы са сваёй здабычы. Фестываль закліканы папулярызаваць турыстычны патэнцыял Расонскага раёна. Яго арганізатарам выступаюць Расонскі райвыканкам і грамадскае аб'яднанне "Адпачынак у вёсцы". -0-